ಕೊಪ್ಪಳ, ೧೦- ನಗರದ ಕುಲಿಕೆರೆ ಬಳಿ ಇರುವ ಶ್ರೀ ಶಿವರಾತ್ರೇಶ್ವರ ದೇವಸ್ಥಾನದಲ್ಲಿ ಮಹಾಲಯ ಅಮವಾಸ್ಯೆ ನಿಮಿತ್ಯ ಸಾಮೂಹಿಕ ಪಿಂಡ ಪ್ರಧಾನ ಧಾರ್ಮಿಕ ಕಾರ್ಯಕ್ರಮ ಜರುಗಿತು.
ಶನಿವಾರದಂದು ಹರಿಶ್ಚಂದ್ರ ಮುಕ್ತಿದಾಮ ಟ್ರಸ್ಟ್ ಯಜ್ಞೋಪವಿತ ಸಮಾಜಗಳ ಒಕ್ಕೂಟ, ಶ್ರೀ ವಿಠ್ಠಲ ಕೃಷ್ಣ ದೇವಸ್ಥಾನ ಸಮಿತಿ ಮತ್ತು ಶ್ರೀ ಶವರಾತ್ರೇಶ್ವ ದೇವಸ್ಥಾನದ ಸಹಯೋಗದಲ್ಲಿ ಈ ಧಾರ್ಮಿಕ ಕಾರ್ಯಕ್ರಮ ಆಯೋಜಿಸಲಾಗಿತ್ತು.
ಪೂರ್ವಜರಿಗೆ ಗೌರವ ಸಲ್ಲಿಸುವ ಸಂಪ್ರದಾಯದ ಅಂಗವಾಗಿ ಪಿತೃ ತರ್ಪಣ, ಪ್ರಾರ್ಥನೆ ಸೇರಿದಂತೆ ವಿವಿಧ ಧಾರ್ಮಿಕ ಆಚರಣೆಗಳಿಗೆ ಈ ಸಂದರ್ಭದಲ್ಲಿ ಮಹತ್ವ ನೀಡಲಾಗುತ್ತದೆ. ಪಿತೃ ಪಕ್ಷವು ಪೂರ್ವಜರನ್ನು ಸ್ಮರಿಸಿ ಅವರಿಗೆ ಕೃತಜ್ಞತೆ ಸಲ್ಲಿಸುವ ಪವಿತ್ರ ಕಾಲವೆಂದು ಹಿಂದೂ ಧಾರ್ಮಿಕ ಪರಂಪರೆಯಲ್ಲಿ ನಂಬಲಾಗಿದೆ.
ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಕೊಪ್ಪಳ ಜಿಲ್ಲೆಯ ಯಜ್ಞೋಪವಿತ ಸಮಾಜದ ೨೫೦ಕ್ಕೂ ಹೆಚ್ಚು ಜನ ಪಿತೃಗಳಿಗೆ ಪಿಂಡ ಪ್ರಧಾನ ಮಾಡಿದರು.
ಧಾರ್ಮಿಕ ವಿದಿ ವಿಧಾನಗಳನ್ನು ಪಂ.ಪದ್ಮನಾಭ ದಿಕ್ಷೀತ್ ಹಾಗೂ ಪಂ.ಪ್ರಾಣೇಶ ಆಚಾರ್ಯ ನಡೆಸಿಕೊಟ್ಟರು. ೩೦೦೦ಕ್ಕೂ ಅಧಿಕ ಜನ ಪ್ರಸಾದವನ್ನು ಸ್ವೀಕರಿಸಿದರು.
