ತಾಳಿಕೋಟೆ,ನ,೧೧ : ಸ್ಥಳೀಯ ಪರಶುರಾಮ ಬ. ತಂಗಡಗಿ ಎಂಬುವರು ನಿರುದ್ಯೋಗ ಸಮಸ್ಯೆಯನ್ನು ಸ್ವಲ್ಪಾದರೂ ಕಡಿಮೆ ಮಾಡಬೇಕೆಂಬ ಉದ್ದೇಶ ಹೊತ್ತು ಪಟ್ಟಣದಲ್ಲಿ ನಂದಿ ರೆಡಿಮೆಡ್ ಗಾರ್ಮೆಂಟ್ ಎಂಬ ಸುಮಾರು ೬೦ ಹೊಲಿಗೆಗೆ ಸಂಭಂದಿಸಿದ ಮಶೀನ್ ಗಳನ್ನು ತಂದು ಸಂಭಂದಿಸಿದ ಕಟಿಂಗ್ ಮಸೀನ್‌ರಿ ಹಾಗೂ ತರಬೇತಿದಾರರೊಂದಿಗೆ ಈ ಫ್ಯಾಕ್ಟರಿಯನ್ನು ಅಸಂಖ್ಯಾತ ತಮ್ಮ ಸಲಹೆಗಾರರು ಹಾಗೂ ಗಣ್ಯಮಾನ್ಯರು ಹಾಗೂ ಮಿತ್ರ ಮಂಡಳಿಯವರೊಂದಿಗೆ ಹಾಗೂ ಹರಗುರುಚರಮೂರ್ತಿಗಳ ಅಮೃತ ಹಸ್ತದಿಂದ ಬುಧವಾರರಂದು ಉದ್ಘಾಟಿಸಲಾಯಿತು.
ಕುಂಟೋಜಿಯ ಭಾವೈಕ್ಯತಾ ಹಿರೇಮಠದ ಪೂಜ್ಯ ಡಾ. ಶ್ರೀ ಚನ್ನವೀರ ಶಿವಾಚಾರ್ಯ ಮಹಾಸ್ವಾಮಿಗಳು ಕಾರ್ಯಕ್ರಮವನ್ನು ಉದ್ಘಾಟಿಸಿ ಈ ಸೇವಾ ಕಾರ್ಯದಲ್ಲಿ ಯಶಸ್ವಿ ಕಾಣಲು ಪರಶುರಾಮ ತಂಗಡಗಿ ಅವರಿಗೆ ಆಶೀರ್ವದಿಸಿದರು. ಪರಶುರಾಮ ತಂಗಡಗಿ ಅವರು ಶ್ರೀಗಳ ಪಾದಪೂಜೆಯನ್ನು ನೆರವೇರಿಸಿದರಲ್ಲದೇ ಶ್ರೀಗಳಿಗೆ ಸನ್ಮಾನಿಸಿ ಗೌರವಿಸಿದರು.
ಗೋಪಾಲ ಲಗ್ನ ಶುಭ ಮುಹೂರ್ತದಲ್ಲಿ ಜರುಗಿದ ಈ ಮಹಾಪೂಜೆಯಲ್ಲಿ ಹೋಮ ಹವನ ಕಾರ್ಯಕ್ರಮವನ್ನು ಶ್ರೀ ಶಿವಭವಾನಿ ಮಂದಿರದ ಅರ್ಚಕರಾದ ವೇ|| ಸಂತೋಷಿ ಜೋಷಿ ಅವರು ತಮ್ಮ ಸಹಪಾಠಿಗಳೊಂದಿಗೆ ನೆರವೇರಿಸಿದರು. ಈ ಪೂಜಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಎಲ್ಲ ಮಹನೀಯರು ಮಹಾಪ್ರಸಾದ ಸೇವಿಸಿ ಪುನೀತರಾದರು.
