ಮುದ್ದೇಬಿಹಾಳ: ನವರಾತ್ರಿ ಉತ್ಸವದ ಅಂಗವಾಗಿ ಆಯೋಜಿಸಲಿರುವ ದುರ್ಗಾದೌಡ ಕಾರ್ಯಕ್ರಮದ ಪೂರ್ವಭಾವಿ ಸಭೆ ಮಂಗಳವಾರರಂದು ಸ್ಥಳೀಯ ಶ್ರೀ ರಾಘವೇಂದ್ರ ಮಠದಲ್ಲಿ ಜರುಗಿತು. .
ಈ ಸಭೆಯಲ್ಲಿ ದುರ್ಗಾದೌಡ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ಹಾಗೂ ಶಿಸ್ತುಬದ್ಧವಾಗಿ ನಡೆಸುವ ಕುರಿತು ಚರ್ಚೆ ನಡೆಯಿತು. ಕಾರ್ಯಕ್ರಮದ ದಿನಾಂಕ, ಮಾರ್ಗ, ಭಕ್ತರ ಭಾಗವಹಿಸುವಿಕೆ, ಅಗತ್ಯ ಸಿದ್ಧತೆಗಳು, ಶಿಸ್ತು ಮತ್ತು ಸುರಕ್ಷತಾ ಕ್ರಮಗಳ ಕುರಿತು ಮುಖಂಡರು ಹಾಗೂ ಭಕ್ತರು ತಮ್ಮ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು.
ಈ ದುರ್ಗಾದೌಡ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು, ಮಹಿಳೆಯರು, ಹಿಂದೂಬಾಂಧವರು ಪಾಲ್ಗೊಂಡು ಕಾರ್ಯಕ್ರಮವನ್ನು ಯಶಸ್ವಿಗೊಳಿಸುವಂತೆ ಸಭೆಯಲ್ಲಿ ಮನವಿ ಮಾಡಲಾಯಿತು.
ನವರಾತ್ರಿ ಉತ್ಸವದ ಸಂದರ್ಭದಲ್ಲಿ ಮಾತೆ ದುರ್ಗಾದೇವಿಯ ಆರಾಧನೆಯೊಂದಿಗೆ ಪಟ್ಟಣದ ವಿವಿಧ ದೇವಸ್ಥಾನಗಳಿಗೆ ತೆರಳಿ ಉಡಿತುಂಬುವ ಕಾರ್ಯಕ್ರಮದ ಜೊತೆಗೆ ಧಾರ್ಮಿಕ ಭಾವೈಕ್ಯತೆ ಹಾಗೂ ಭಕ್ತಿಭಾವವನ್ನು ಮೂಡಿಸುವ ಉದ್ದೇಶದಿಂದ ಕಾರ್ಯಕ್ರಮವನ್ನು ಅರ್ಥಪೂರ್ಣವಾಗಿ ಆಯೋಜಿಸಲು ನಿರ್ಧರಿಸಲಾಯಿತು.
ಈ ಸಭೆಯಲ್ಲಿ ಮುಖಂಡರಾದ ನೇತಾಜಿ ನಲವಡೆ, ಪುಟ್ಟು ಕುಲಕರ್ಣಿ, ವಿಜಯಕುಮಾರ ಬಡಿಗೇರ, ಉದಯ ರಾಯಚೂರ, ಚಂದ್ರಶೇಖರ ಕಲಾಲ, ಸುಭಾಸ ಕುಲಕರ್ಣಿ, ಬಾಳು ಬಾಡಗಿಂಡಿ, ಕೃಷ್ಣಾಜಿ ಪವಾರ, ದೊಂಡಿಬಾ ಕಾಳೆ, ಪ್ರಕಾಶ ದೇಶಪಾಂಡೆ, ಪ್ರಕಾಶ ಸರಾಫ, ವ್ಹಿ.ಜಿ. ಪಾಟೀಲ, ಸಹನಾ ಬಡಿಗೇರ, ಸೀಮಾ ದಂಡಾವತಿ, ವಿದ್ಯಾ ನಲವಡೆ, ಶೋಭಾ ಘಾಟಗೆ, ಜ್ಯೋತಿ ಮಾಯಾಚಾರಿ, ಶುಷ್ಮಾ ಲೋಕರೆ, ನೀಲಾ ತೆಲಂಗಿ, ಲಕ್ಷ್ಮೀ ಕಲಾಲ, ಪುಷ್ಪಾವತಿ ಪತ್ತಾರ, ಅನಿತಾಬಾಯಿ ದೇಶಪಾಂಡೆ, ಸುಜಾತಾ ಭೋಸಲೆ, ಪ್ರೀತಿ ದಂಡಾವತಿ, ಜಯಶ್ರೀ ಥೋರಾಥ, ಗೀತಾ ಜಹಾಂಗೀರದಾರ, ಸುನಿತಾ ಘಾಟಗೆ, ಲಕ್ಷ್ಮೀ ನಲವಡೆ, ಉಮಾ ಕುಲಕರ್ಣಿ, ಅಶ್ವಿನಿ ನಲವಡೆ, ರಾಣಿ ಜಾಧವ, ಸೇರಿದಂತೆ ದುರ್ಗಾದೌಡ ಸಮೀತಿಯ ಸದಸ್ಯರು ಪಾಲ್ಗೊಂಡಿದ್ದರು.
