ಯುಗಾದಿ ಬಿಸಿ: ಗಗನಕ್ಕೇರಿದ ಹೂವು, ಹಣ್ಣು ಮತ್ತು ತರಕಾರಿ ಬೆಲೆ

ಬೆಂಗಳೂರು, ಏಪ್ರಿಲ್​ 08:ಯುಗಾದಿ ಪ್ರತಿವರ್ಷ ಬಹಳ ವಿಜೃಂಭಣೆಯಿಂದ ಆಚರಿಸಿಕೊಂಡು ಬರಲಾಗುತ್ತಿದೆ. ಪ್ರತಿ ವರ್ಷ ಹಬ್ಬದ ಸಮಯದಲ್ಲಿ ಮಾರುಕಟ್ಟೆ ಜನ ಜಂಗಳಿಯಿಂದ ಕೂಡಿರುತ್ತದೆ. ಖರೀದಿ ಭರಾಟೆ ಜೋರಾಗಿರುತ್ತದೆ. ಆದರೆ ಈ ವರ್ಷ ಮಾರಕಟ್ಟೆಯಲ್ಲಿ ಹೇಳಿಕೊಳ್ಳುವಷ್ಟು ಜನರಿಲ್ಲ. ಬಿಸಿಲಿಗೆ ಹೆದರಿ ಜನರು ಮಾರುಕಟ್ಟೆಗಳಿಗೆ ಬರಲು ಹಿಂದೇಟು ಹಾಕುತ್ತಿರುವುದು ಒಂದು ಕಡೆಯಾದರೆ, ಬರಗಾಲದಿಂದ ನೀರಿಲ್ಲದೆ ಹಣ್ಣು, ಹೂವು, ತರಕಾರಿ ಬೆಳೆ ಕಡಿಮೆಯಾಗಿದೆ. ಇದರಿಂದ ಹೂವು, ಹಣ್ಣು ಮತ್ತು ತರಕಾರಿ ಬೆಲೆ ಗಗನಕ್ಕೆ ಏರಿದೆ.

ಎರಡು ವಾರಗಳ ಮಾರುಕಟ್ಟೆಯಲ್ಲಿ ಕೆಜಿ ಬೀನ್ಸ್​ಗೆ 50 ರಿಂದ 60 ರೂ. ಇತ್ತು. ಇದೀಗ ಬೀನ್ಸ್ ಬೆಲೆ 70 ರೂ.ಗೆ ಏರಿಕೆಯಾಗಿದೆ. 40 ರಿಂದ 50 ರೂ. ವರೆಗೆ ಮಾರಾಟವಾಗುತ್ತಿದ್ದ ಕ್ಯಾರೆಟ್ 60 ರೂ. ಕ್ಕೆ ಮಾರಾಟವಾಗುತ್ತಿದೆ. ಇತರೆ ತರಕಾರಿಗಳಾದ ಕ್ಯಾಪ್ಸಿಕಂ, ಬದನೆ, ಟೊಮೇಟೊ ಬೆಲೆ ಕೆಜಿಗೆ 10 ರೂ. ಏರಿಕೆಯಾಗಿದೆ.

ಹೂವಿನ ಬೆಲೆ

ಹೂವು	ದರ (ರೂ. ಗಳಲ್ಲಿ)
ಮಲ್ಲಿಗೆ	500-600
ಸೇವಂತಿಗೆ	300-350
ಗುಲಾಬಿ	250
ಚೆಂಡು	150
ಕಾಕಡ	800
ಕನಕಾಂಬರ	800-1000
ಸುಗಂದರಾಜ	300
ಆಸ್ಟ್ರೀಲಿಯಾ	600
ತುಳಸಿ 1 ಮಾರ್​​ಗೆ	100
ಬೇವು 1 ಕಟ್​​ಗೆ	20-30
ಮಾವಿನ ಎಲೆ	30

ಹಣ್ಣಿನ ಬೆಲೆ

ಅನಾನಸ್​ (ಜೋಡಿ	80
ಸೇಬು	220
ದ್ರಾಕ್ಷಿ	100
ಸಪೋಟ	100
ಮೂಸಂಬಿ	100
ಕಿತ್ತಲೆ	140
ಕಿವಿ (3ಕ್ಕೆ)	100
ಡ್ಯ್ರಾಗನ್​ ಫ್ರೂಟ್​​ 1ಕ್ಕೆ	80
ದಾಳಿಂಬೆ	200
ಬಟರ್​ ಫ್ರೂಟ್​	200
ಮರಸೇಬು	200
ಏಲಕ್ಕಿ ಬಾಳೆ	80
ಪಚ್ಚಬಾಳೆ	40

ತರಕಾರಿ ಬೆಲೆ

ಬೆಂಗಳೂರಿನ ಸುತ್ತಮುತ್ತಲಿನ ಪ್ರಮುಖ ತೋಟಗಾರಿಕೆ ವಲಯದಲ್ಲಿ ಕೃಷಿಯ ಚಟುವಟಿಕೆ ಸುಮಾರು 50% ರಷ್ಟು ಕಡಿಮೆಯಾಗಿದೆ. ತರಕಾರಿಗಳು, ಹಣ್ಣುಗಳು ಮತ್ತು ಹೂವುಗಳ ಬೆಲೆಗಳು ಈಗ ಸ್ವಲ್ಪ ಏರಿಕೆಯಾಗಿದೆ. ಮಳೆಯಾಗದ ಹಿನ್ನೆಲೆಯಲ್ಲಿ, ಮುಂಬರುವ ವಾರಗಳಲ್ಲಿ ಈ ಬೆಲೆಗಳು ಮತ್ತಷ್ಟು ಹೆಚ್ಚಾಗುವ ನಿರೀಕ್ಷೆಯಿದೆ.