ಘಟಪ್ರಭಾ:ಗೋಕಾಕ ತಾಲೂಕಿನ ಐತಿಹಾಸಿಕ ದುಪಧಾಳ ಜಲಾಶಯದ ಪಕ್ಕದಲ್ಲಿರುವ ನಿರೀಕ್ಷಣಾ ಮಂದಿರದ ಕಾರಂಜಿ ಹಾಗೂ ಉದ್ಯಾನವನವನ್ನು ಪುನರ್‌ ನಿರ್ಮಾಣಗೊಳಿಸಿ,ಸುಂದರವಾಗಿ ಅಭಿವೃದ್ಧಿಪಡಿಸುವಂತೆ ಲೋಕೋಪಯೋಗಿ ಸಚಿವರಾದ ಸತೀಶ ಲ. ಜಾರಕಿಹೊಳಿ ಅವರಿಗೆ ಅವರ ಆಪ್ತ ಸಹಾಯಕರಾದ ಶಿವನಗೌಡ ಪಾಟೀಲ ಅವರ ಮುಖಾಂತರ ಇಂದು ಹಿಲ್ ಗಾರ್ಡನ್ ಕಚೇರಿಗೆ ಭೇಟಿ ನೀಡಿ ಕನ್ನಡ ಸೇನೆ ಕರ್ನಾಟಕ ಸಂಘಟನೆ ವತಿಯಿಂದ ಮನವಿ ಪತ್ರ ಸಲ್ಲಿಸಲಾಯಿತು.
ಐತಿಹಾಸಿಕ ಪ್ರವಾಸಿ ತಾಣದ ಸೌಂದರ್ಯ ಹಾಗೂ ಪ್ರವಾಸಿಗರ ಅನುಕೂಲಕ್ಕಾಗಿ ಕಾರಂಜಿ ಮತ್ತು ಉದ್ಯಾನವನವನ್ನು ಅಭಿವೃದ್ಧಿಪಡಿಸುವುದು ಅಗತ್ಯವಾಗಿದ್ದು,ಈ ಕುರಿತು ಶೀಘ್ರ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಲಾಯಿತು.
ಈ ಸಂದರ್ಭದಲ್ಲಿ ಕನ್ನಡ ಸೇನೆ ಸೇನೆ ತಾಲೂಕಾಧ್ಯಕ್ಷ ಅಪ್ಪಾಸಾಬ ಮುಲ್ಲಾ, ಉಪಾಧ್ಯಕ್ಷ ಶ್ರೀಕಾಂತ ಮಹಾಜನ, ಗೌರವ ಅಧ್ಯಕ್ಷ ಸುರೇಶ ಪಾಟೀಲ, ಸಂಜು ಸಂತವ್ವಗೋಳ, ಜಬೀಲಾ ಶೇಖ, ಅಕ್ಬರ ನೇರ್ಲಿ
ಕುಶಣ್ಣಾ ಬಸರಗಿ'(ಗೋಕಾಕ) ಸೇರಿದಂತೆ ಇನ್ನೂ ಅನೇಕರು ಉಪಸ್ಥಿತರಿದ್ದರು.
