ಮೂಡಲಗಿ : ಇತ್ತೀಚಿನ ದಿನಗಳಲ್ಲಿ ನಗರ ಪ್ರದೇಶಗಳಿಗಿಂತ ಹಳ್ಳಿಗಳಲ್ಲೇ ಹೆಣ್ಣು ಮಕ್ಕಳು ಹೆಚ್ಚು ಶೋ?ಣೆಗೆ ಒಳಗಾಗುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ ಎಂದು ನ್ಯಾಯಾಧೀಶೆ ಸವಿತಾ ಮುಕ್ಕಲ್ ಕಳವಳ ವ್ಯಕ್ತಪಡಿಸಿದರು.
ಬುಧವಾರದಂದು ಪಟ್ಟಣದ ಆರ್.ಡಿ.ಎಸ್ ಕಾಲೇಜಿನ ಸಭಾವನದಲ್ಲಿ ಮೂಡಲಗಿಯ ತಾಲೂಕಾ ಕಾನೂನು ಸೇವೆಗಳ ಸಮಿತಿ, ನ್ಯಾಯವಾದಿಗಳ ಸಂಘ, ಪೋಲಿಸ್ ಇಲಾಖೆ, ಶಿಕ್ಷಣ ಇಲಾಖೆ ಮೂಡಲಗಿ ಇವರ ಸಹಯೋಗದಲ್ಲಿ ಜರುಗಿದ ಹಿರಿಯ ನಾಗರಿಕರ ದಿನ ಹಾಗೂ ಸೈಬರ್ ಅಪರಾಧ ದಿನ ಅಂಗವಾಗಿ ಕಾನೂನು ಅರಿವು ಕಾರ್ಯಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಶೋ?ಣೆಗೆ ಒಳಗಾದ ಹೆಣ್ಣುಮಕ್ಕಳು ಯಾವುದಕ್ಕೂ ಹೆದರದೆ ಪಾಲಕರ ಜೊತೆ ಮುಕ್ತವಾಗಿ ಮಾತನಾಡಿ ಕಾನೂನು ನೆರವು ಪಡೆಯಬೇಕು, ಸಾಮಾಜಿಕ ಜಾಲತಾಣಗಳಲ್ಲಿ ಅನಾವಶ್ಯಕವಾಗಿ ತಮ್ಮ ವೈಯಕ್ತಿಕ ಮಾಹಿತಿಗಳನ್ನು ಹಂಚಿಕೊಳ್ಳುವುದನ್ನು ಕಡಿಮೆ ಮಾಡಬೇಕು ಎಂದು ಸಲಹೆ ನೀಡಿದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ನ್ಯಾಯವಾದಿ ಸಂಘದ ಅಧ್ಯಕ್ಷರಾದ ಬಿ.ಎಂ.ಸಣ್ಣಕ್ಕಿ ಮಾತನಾಡಿ ವಿಶ್ವಸಂಸ್ಥೆಯು ಅ.೧ ಹಿರಿಯ ನಾಗರೀಕರ ದಿನವಾಗಿ ಘೋ?ಣೆ ಮಾಡಿದೆ. ಹಣ ಆಸ್ತಿಯನ್ನು ತಂದೆ-ತಾಯಿಯಿಂದ ಕಸಿದುಕೊಂಡು ವೃದ್ಯಾಪ್ಯದಲ್ಲಿ ನಿರ್ಗತಿಕರನ್ನಾಗಿ ಮಾಡಿ ವೃದ್ಧಾಶ್ರಮಗಳಿಗೆ ಕಳಿಸಬಾರದು. ಅಪಾರ ಅನುಭವವುಳ್ಳ ಹಿರಿಯರು ನಮ್ಮ ಸಂಸ್ಕೃತಿಗಳ ಪ್ರತೀಕವಾಗಿದ್ದು, ಅವರ ಪಾಲನೆ ನಮ್ಮ ಕರ್ತವ್ಯವಾಗಿದೆ. ಶೋ?ಣೆಗೆ ಒಳಗಾದವರು ಹಿರಿಯ ನಾಗರೀಕರ ಸಹಾಯವಾಣಿ ಸಂಖ್ಯೆ ೧೩೫೬೭(ದೇಶಾದ್ಯಂತ) ಹಾಗೂ ೧೦೯೦(ರಾಜ್ಯ) ಸಂಪರ್ಕಿಸಿ ಸಹಾಯ ಪಡೆಯಬಹುದಾಗಿದೆ ಎಂದರು.
ಅತಿಥಿ ಉಪನ್ಯಾಸಕರಾಗಿ ಆಗಮಿಸಿದ್ದ ನ್ಯಾಯವಾದಿ ಸಂಘದ ಉಪಾಧ್ಯಕ್ಷರಾದ ಲಕ್ಷ್ಮಣ ಅಡಿಹುಡಿ ಮಾತನಾಡಿ, ಡಿಜಿಟಲ್ ತಂತ್ರಜ್ಞಾನ ಬಳಸಿ ಮಾಡುವ ಕಾನೂನು ಬಾಹಿರ ಚಟುವಟಿಕೆಗಳು ಸೈಬರ ಅಪರಾಧಗಳಾಗಿವೆ. ಅನಕ್ಷರಸ್ಥರರಿಗಿಂತ ಸ್ಮಾರ್ಟ್ ಫೋನ್ ಬಳಸುತ್ತಿರುವ ವಿದ್ಯಾವಂತರೆ ಮೋಸ ಹೋಗುತ್ತಿದ್ದಾರೆ. ಸೈಬರ್ ವಂಚನೆಗಳಿಗೆ ತುತ್ತಾದವರು ಆತಂಕಕ್ಕೆ ಒಳಗಾಗದೆ ಸೈಬರ್ ಸಹಾಯವಾಣಿ ಸಂಖ್ಯೆ ೧೯೩೦ ಗೆ ಕರೆ ಮಾಡುವ ಮೂಲಕ ತಮ್ಮ ದೂರು ದಾಖಲಿಸಿ ಸಹಾಯ ಪಡೆಯಬಹುದಾಗಿದೆ. ಅನಾಮಧೇಯ ಕರೆ, ಲಿಂಕ್ ಹಾಗೂ ಆನ್ಲೈನ್ ಗೇಮ್ ಗಳಿಂದ ವಿದ್ಯಾರ್ಥಿಗಳು ಎಚ್ಚರವಿರಬೇಕು ಎಂದು ಕಿವಿಮಾತು ಹೇಳಿದರು. ನ್ಯಾಯವಾದಿ ಸಂಘದ ಕಾರ್ಯದರ್ಶಿಗಳಾದ ಎಸ್.ಬಿ.ತುಪ್ಪದ ಪ್ರಾಸ್ತಾವಿಕವಾಗಿ ಮಾತನಾಡಿದರು.
ಈ ಸಂಧರ್ಭದಲ್ಲಿ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರಾದ ಸಂತೋ? ಪಾರ್ಶಿ, ಎಎಸ್‌ಐ ಆಯ್.ಜೆ.ವಾಳಕೆ, ನ್ಯಾಯವಾದಿಗಳಾದ ಆರ್.ಬಿ ಮುಂಡಿಗನಾಳ, ಜ್ಯೋತಿ ಕೊಡತೆ, ಪ್ರಾಂಶುಪಾಲ ಶಿವಲಿಂಗ ಸತ್ತಿಗೇರಿ ಸೇರಿದಂತೆ ಅನೇಕ ಉಪನ್ಯಾಸಕರು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಕಾರ್ಯಕ್ರಮದಲ್ಲಿ ಪ್ರಾಚಾರ್ಯರಾದ ಎಸ್.ಬಿ.ಗೋಟುರೆ ಸ್ವಾಗತಿಸಿದರು, ಅಕ್ಷತಾ ಹೊಸಮನಿ ನಿರೂಪಿಸಿ, ರಾಜೇಂದ್ರ ಪತ್ತಾರ್ ವಂದಿಸಿದರು.
