ಬಳ್ಳಾರಿ. ನ. 08:: ಆರ್ಯವೈಶ್ಯ ಸಂಘದ ವತಿಯಿಂದ ನಾಮ ರತ್ನಯ್ಯ ಮತ್ತು ನಾಮ-ಸಾವಿತ್ರಮ್ಮ ಸ್ಮಾರಣಾರ್ಥ ನಿರ್ಮಿಸಲಾಗುತ್ತಿರುವ ಡಯಲಿಸಸ್ ಮತ್ತು ಫಿಸಿಯೋ ತೆರಫಿ ಸೆಂಟರ್ ಆಸ್ಪತ್ರೆಗೆ ಕಾಂಗ್ರೆಸ್ ಮುಖಂಡರಾದ ಅಸುಂಡಿ ಹೊನ್ನೂರಪ್ಪ ಅವರು ಧನ ಸಹಾಯವನ್ನು ನೀಡಿದರು.
ಅವರು ನಗರದ ದತ್ತ ಸಾಯಿ ನಗರದ ಗೃಹದಲ್ಲಿ ಆರ್ಯವೈಶ್ಯ ಅಸೋಸಿಯೇಷನ್ ಬಳ್ಳಾರಿ ಸಂಘದ ಅಧ್ಯಕ್ಷರಾದ ನಾಮ ನಾಗರಾಜ ಮತ್ತು ಗೌರವ ಅಧ್ಯಕ್ಷರಾದ ಡಾ ಡಿ ಎಲ್ ರಮೇಶ್ ಗೋಪಾಲ್ ಇವರಿಗೆ ಆಸ್ಪತ್ರೆ ನಿರ್ಮಾಣಕ್ಕೆ ಧನಸಹಾಯದ ಕೊಡುಗೆ ನೀಡಿದರು. ಕೊಡುಗೆಯನ್ನು ಸ್ವೀಕರಿಸಿ ಮಾತನಾಡಿದ ರಮೇಶ್ ಗೋಪಾಲ್, ಅಸುಂಡಿ ಹೊನ್ನೂರಪ್ಪ ಅವರು ಆರ್ಯವೈಶ್ಯ ಅಸೋಸಿಯೇಷನ್ ವತಿಯಿಂದ ನಿರ್ಮಿಸಲಾಗುತ್ತಿರುವ ಆಸ್ಪತ್ರೆ ನಿರ್ಮಾಣಕ್ಕೆ ಧನಸಹಾಯ ಮಾಡಿದ್ದಾರೆ ಮುಂದಿನ ದಿನಗಳಲ್ಲಿ ದೇವರು ಅವರಿಗೆ ಇದೇ ರೀತಿಯ ಸಮಾಜ ಸೇವೆಯನ್ನು ಮಾಡಲು ಸಕಲ ಐಶ್ವರ್ಯ ಅಧಿಕಾರ ಮತ್ತು ಆಯುಷ್ಯವನ್ನು ನೀಡಲಿ ಎಂದರು.
ಈ ಸಂದರ್ಭದಲ್ಲಿ ಮಾತನಾಡಿದ ಅಸುಂಡಿ ಹೊನ್ನೂರಪ್ಪ (ವಂಡ್ರಿ ) ಬಡವರಿಗೆ ಅನುಕೂಲವಾಗುವ ನಿಟ್ಟಿನಲ್ಲಿ ಆರ್ಯವೈಶ್ಯ ಸಂಸ್ಥೆಯವರು ಆಸ್ಪತ್ರೆಯನ್ನು ನಿರ್ಮಿಸುತ್ತಿದ್ದು ಇದನ್ನು ಮನಗಂಡ ನಾನು ಆಸ್ಪತ್ರೆ ನಿರ್ಮಾಣಕ್ಕಾಗಿ ನನ್ನ ಕೈಲಾದ ಧನಾಸಾಯವನ್ನು ನೀಡುತ್ತಿದ್ದೇನೆ ಮುಂದಿನ ದಿನಗಳಲ್ಲಿ ಈ ಸಂಘಟನೆ ಯಾವುದೇ ಸಮಾಜ ಸೇವೆ ಅಂತ ಕಾರ್ಯಕ್ರಮ ಹಮ್ಮಿಕೊಂಡಲ್ಲಿ ನಾನು ತನುಮಾನ ಧನದೊಂದಿಗೆ ಸಹಕಾರ ನೀಡುವುದಾಗಿ ತಿಳಿಸಿದರು.
ಈ ಸಂದರ್ಭದಲ್ಲಿ ಆರ್ಯ ವೈಶ್ಯ ಅಸೋಸಿಯೇಷನ್ ಉಪಾಧ್ಯಕ್ಷರಾದ ಎಸ್ ಮಾರುತಿ ಪ್ರಸಾದ್, ಕಾರ್ಯದರ್ಶಿ ವಿಟ್ಟ ವೆಂಕಟೇಶ್ ಖಜಾಂಚಿ ರಾಮಕೃಷ್ಣ ರೇಣುಕುಂಡ್ಲಾ ಜಂಟಿ ಕಾರ್ಯದರ್ಶಿ ಎಚ್ ರಾಜೇಶ್ ಬಿಲ್ವ ಜಿಕೆ ಶಿವಪ್ರಸಾದ್ ಸೇರಿದಂತೆ ಇತರರಿದ್ದರು.
