ಸಂಕೇಶ್ವರ:ಒಂದು ತಿಂಗಳ ಹಿಂದೆಯೆ ಹುಬ್ಬಳ್ಳಿಗೆ ಹೋಗಿ ಕೇಂದ್ರ ಗ್ರಾಹಕ ವ್ಯವಹಾರಗಳ ಸಚಿವ ಪ್ರಹ್ಲಾದ ಜೋಶಿ ಅವರಿಗೆ ಮನವಿ ನೀಡಿದ್ದರೂ ಸಹಿತ ಅದನ್ನು ನಿರ್ಲಕ್ಷಿಸಿ ಈಗ ಮತ್ತೆ ಸಮಯಾವಕಾಶ ಬೇಡುತ್ತಿರುವುದು ದುರದೃಷ್ಠ. ಈ ಹಿನ್ನಲೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರೆ ಈಗ ಸ್ವಂತ ಇದರಲ್ಲಿ ಮಧ್ಯಸ್ಥಿಕೆ ವಹಿಸಿ ಕಬ್ಬು ಬೆಳೆಗಾರರಿಗೆ ನ್ಯಾಯ ಒದಗಿಸಿ ಕೊಡಬೇಕೆಂದು ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ಅಧ್ಯಕ್ಷ ಚೂನಪ್ಪಾ ಪೂಜಾರಿ ಆಗ್ರಹಿಸಿದ್ದಾರೆ.
ಅವರು ಇಂದು ರಾಷ್ಟ್ರೀಯ ಹೆದ್ದಾರಿಯ ಹತ್ತರಗಿ ಟೋಲ ನಾಕಾ ಬಳಿ ನಡೆದ ಬೃಹತ್ ರೈತ ಸಮೂಹವನ್ನು ಉದ್ದೇಶಿಸಿ ಮಾತನಾಡಿದರು. ಪ್ರತಿ ಟನ್ ಕಬ್ಬು ಬೆಳೆಗೆ 5500 ರೂಪಾಯಿ ದರ ನೀಡಬೇಕೆಂದು ಆಗ್ರಹಿಸಿ ಇಂದು ಮುಂಜಾನೆಯಿಂದಲೇ ರೈತರು ಹತ್ತರಗಿ ಟೋಲ ನಾಕಾ ಬಳಿ ರಸ್ತೆಯನ್ನು ಬಂದ್ ಮಾಡಿ ಪ್ರತಿಭಟಿಸುತಿದ್ದಾರೆ.
ರೈತರು ಕೃಷಿಗಾಗಿ ಬಳಸುವ ಬೀಜ, ಗೊಬ್ಬರ, ಕೀಟನಾಶಗಳು, ಕೃಷಿ ಕಾಮರ್ಿಕರ ಕೂಲಿ ಇವೆಲ್ಲವೂ ಕಳೆದ 10 ವರ್ಷದಲ್ಲಿ ಮೂರು ಪಟ್ಟು ಆಗಿವೆ. ಆದರೆ ಸಕ್ಕರೆ ದರ ಮಾತ್ರ ಹಿಂದಿನಂತೆಯೆ ಇದೆ. ಪೆಟ್ರೋಲ, ಡಿಸೈಲ ದರ ಏರಿಸುವಾಗ ಗ್ರಾಹಕರನ್ನು ಕೇಳದ ಕೇಂದ್ರ ಸಕರ್ಾರವು ಈಗ ಸಕ್ಕರೆ ದರವನ್ನು ಹೆಚ್ಚಿಸುವಾಗ ಮಾತ್ರ ರೈತರ ಜೊತೆಗೆ ಮಾತುಕತೆ ನಡೆಸುತ್ತದೆ. ಕಾಖರ್ಾನೆಗಳು ಪ್ರಾರಂಭವಾಗುವ ಈ ಸಮಯದಲ್ಲಿ ಈ ವಿಷಯದ ಬಗೆಗೆ ಶೀಘ್ರ ನಿರ್ಣಯ ತೆಗೆದುಕೊಳ್ಳದೇ ಸಮಯನ್ನು ವ್ಯಯ ಮಾಡುತ್ತಿರುವುದು ದುದರ್ೈವದ ಸಂಗತಿ. ಕಾರಣ ಖುದ್ದು ಪ್ರಧಾನಿಗಳೆ ಈ ವಿಷಯದ ಬಗೆಗೆ ಆಸಕ್ತಿ ವಹಿಸಿ ರೈತರಿಗೆ ನ್ಯಾಯ ಒದಗಿಸಬೇಕು ಎಂದು ಅವರು ಒತ್ತಾಯಿಸಿದರು.
ಇದಲ್ಲದೆ ಕಾಖರ್ಾನೆಗಳು ಉತ್ಪಾದಿಸುವ ಇಥಿನೆಲ್ಲನ್ನು ಖರೀಧಿಸಬೇಕು. ವಿದ್ಯುತಗೆ ಸರಿಯಾದ ದರ ನೀಡಬೇಕು. ಸ್ವಾಮಿನಾಥನ ವರದಿಯನ್ನು ಸಂಪೂರ್ಣವಾಗಿ ಅನುಷ್ಠಾನಗೊಳಿಸಬೇಕು ಎಂದು ಅವರು ಆಗ್ರಹಿಸಿದರು.
ಇದೇ ಸಂದರ್ಭದಲ್ಲಿ ಮಾತನಾಡಿದ ಹಸಿರು ಸೇನೆಯ ಅಧ್ಯಕ್ಷ ಶಶಿಕಾಂತ ಗುರುಜಿ ಅವರು , ಇಂದು ಹತ್ತರಗಿ ಟೋಲ್ ನಾಕಾದ ಬಳಿ ಆರಂಭವಾಗಿರುವ ಈ ಹೋರಾಟ ಇಲ್ಲಿಗೆ ನಿಲ್ಲುವುದಿಲ್ಲ. ರೈತರ ಬೇಡಿಕೆ ಈಡೇರುವತನಕ ಮುಂದುವರಿಯುತ್ತದೆ ಎಂದರು.
ಈ ಸಂದರ್ಭದಲ್ಲಿ ಮಲ್ಲಪ್ಪಾ ಅಂಗಡಿ,ಸಂಜೀವ ಹಾವನ್ನವರ,ಮಲ್ಲಪ್ಪಾ ಬೈಲನ್ನವರ, ಸಿದ್ದಪ್ಪಾ ನಾಯಿಕ, ಮಲ್ಲಪ್ಪಾ ತೊದಲೆ, ಶ್ರೀಶೈಲ ಅಂಗಡಿ, ಪ್ರೇಮಾ ಚೌಗಲಾ, ಬಾಬುರಾವ್ ಹಾಲಗಡಗಿ ಮುಂತಾದವರು ಉಪಸ್ಥಿತರಿದ್ದರು.
