ಇಂಡಿ: ನಗರದ ಬಸವೇಶ್ವರ ವೃತ್ತದಲ್ಲಿ ಕಬ್ಬಿಗೆ ಪ್ರತಿ ಟನ್ ೫೫೦೦/- ಟನ್ ಬೆಂಬಲ ಬೆಲೆ ನೀಗಧಿ ಪಡಿಸಬೇಕು ಎಂದು ಆಗ್ರಹಿಸಿ ರೈತ ಸಂಘ ಹಾಗೂ ರೈತ ಪರ ವಿವಿಧ ಸಂಘಟನೆಗಳು ನೀಡಿದ ಕರ್ನಾಟಕ ಬಂದ ಕರೆಗೆ ಬೇಂಬಲಿಸಿ ಸುಮಾರು ಎರಡು ಮೂರು ಗಂಟೆಗಳ ಕಾಲ ರಸ್ತೆ ತಡೆದು ಟಯರಿಗೆ ಬೆಂಕಿ ಹಚ್ಚಿ ಪ್ರತಿಭಟನೆ ಮಾಡಿ ಬೆಂಬಲ ಬೆಲೆ ನೀಡಬೇಕು ಎಂದು ಆಗ್ರಹಿಸಿದರು.
ಪ್ರತಿಭಟನಾ ನೀರತ ಸ್ಥಳಕ್ಕೆ ಗ್ರೆಡ್-೨ ತಹಸಿಲ್ದಾರ ಆನಂದ ಪಮ್ಮಾರ ಇವರು ರೈತರಿಂದ ಮನವಿ ಸ್ವಿಕರಿಸಿದ ನಂತರ ಪ್ರತಿಭಟನೆಯನ್ನು ಹಿಂಪಡೆದರು. ಇದರಿಂದಾಗಿ ಬಂದ ಮಾಡಿದ ರಸ್ತೆ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು. ಈ ಪ್ರತಿಭಟನೆಯಲ್ಲಿ ಹಲವಾರು ಜನ ರೈತ ಮುಖಂಡರು ಹಾಗೂ ವಿವಿಧ ಸಂಘಟನೆಯ ಮುಖಂಡರು ಪ್ರತಿಭಟನೆಯನ್ನು ಉದ್ದೇಶಿಸಿ ಮಾತನಾಡಿ ರೈತ ಈ ದೇಶದ ಬೆನ್ನೆಲುಬಾಗಿದ್ದು ಶ್ರಮಪಟ್ಟು ಬೆಳೆದ ಬೆಳೆ ಬೆಂಬಲ ಬೆಲೆ ನೀಡುತ್ತಿಲ್ಲ. ಈಕೂಡಲೆ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ೫೫೦೦ ಬೆಂಬಲ ಬೆಲೆ ನೀಗದಿ ಮಾಡಬೇಕು ಎಂದು ಒಕ್ಕೂರಲನಿಂದ ಆಗ್ರಹಿಸಿದರು.
ಇಂಡಿ ನಗರ ಪ್ರತಭಟನೆಯಲ್ಲಿ ಪ್ರತಿಭಟನೆಯಲ್ಲಿ ಅನೀಲಗೌಡ ಬಿರಾದಾರ, ಬಾಳು ಮುಳಜಿ, ಅದೃಷಪ್ಪ ವಾಲಿ, ಸಚಿನ ನಾವಿ, ಬಸವರಾಜ ಹಂಜಗಿ ಸೇರಿದಂತೆ ನೂರಾರು ರೈತರು ಭಾಗವಹಸಿದ್ದರು.
ತಾಲೂಕಿನ ಲಚ್ಯಾಣ ಗ್ರಾಮದಲ್ಲಿ ಕೂಡಾ ಈ ಬೆಂಬಲ ಬೆಲೆಗೆ ಆಗ್ರಹಿಸಿ ನಿವೃತ್ತ ಶಿಕ್ಷಕ ಬಿ. ಐ. ಬಿರಾದಾರ, ನಿವೃತ್ತ ಉಪನ್ಯಾಸಕ ಎ. ಪಿ. ಕಾಗವಾಡ ಮಾತನಾಡಿ ಜಿಲ್ಲೆಯಲ್ಲಿ ಸಧ್ಯ ಬರಗಾಲದ ಪರಿಸ್ಥಿತಿ ನಿರ್ಮಾಣವಾಗಿದೆ. ರೈತರು ಸಂಕಷ್ಟದಲ್ಲಿದ್ದಾರೆ. ಇಂತಹ ಪರಿಸ್ಥಿಯಲ್ಲಿ ಬೆಳೆದ ಕಬ್ಬಿಗೆ ನ್ಯಾಯಯುತ ಬೆಲೆ ನಿಗಾಧಿಪಡಿಸಬೇಕು ಎಂದು ಅಗ್ರಹಿಸಿದರು.
ನಿವೃತ್ತ ಶಿಕ್ಷಕ ಮಾದೇವ ಮುಜಗೊಂಡ ಮಾತನಾಡಿ ಕಬ್ಬಿನ ಬೆಲೆ ನಿಗಧಿಗಾಗಿ ರೈತ ಸಂಘದಿಂದ ನೀಡಿದ ಕರ್ನಾಟಕ ಬಂದ್ ಕರೆಗೆ ನಾವು ಸಂಪೂರ್ಣ ಬೆಂಬಲ ವ್ಯಕ್ತಪಡಿಸುತ್ತೇವೆ. ತಕ್ಷಣ ರಾಜ್ಯ ಹಾಗೂ ಕೇಂದ್ರ ಸರ್ಕಾರ ಸ್ಪಂದಿಸಿ ಕಬ್ಬು ಬೆಲೆಗಾರರ ಸಮಸ್ಯೆ ಇತ್ಯರ್ಥಪಡಿಸಬೇಕು ಎಂದು ಒತ್ತಾಯಿಸಿದರು.
ಈ ಪ್ರತಿಭಟನೆಯಲ್ಲಿ ಗ್ರಾಮದ ರೈತರಾದ ಗೌರಿಶಂಕರ ಬಾಬುಳಗಿ, ಬಸವರಾಜ ಬಿರಾದಾರ, ಗಿರಿಮಲ್ಲ ಮುಜಗೊಂಡ, ನಿವೃತ್ತ ಶಿಕ್ಷಕ ವಿಠ್ಠಲ್ ಕರಾಳೆ, ನಿವೃತ್ತ ಸೈನಿಕ ಕಾಶಿನಾಥ ಮುಜಗೊಂಡ, ಪುಲಾಸಿಂಗ ಚವ್ಹಾಣ, ಸಿದ್ದು ವಾಲಿ, ಯುವ ರೈತರಾದ ಬಸವರಾಜ ಲಾಳಸೇರಿ, ಈರಣ್ಣ ಮುಜಗೊಂಡ, ದತ್ತು ಮುಜಗೊಂಡ, ಗುರು ವಾಲಿ, ಪ್ರವೀಣ ಕಾಗವಾಡ, ಚಂದ್ರಕಾಂತ ಬಾಬುಳಗಿ ಸೇರಿದಂತೆ ಗ್ರಾಮದ ಹಲವು ರೈತರು ಭಾಗವಹಿಸಿದ್ದರು.
