ಚಿತ್ರರಂಗದ ಮನವಿಯಂತೆ ಟಿಕೆಟ್ ದರದ ಮೇಲಿನ ಜಿಎಸ್ಟಿಯನ್ನು ಕಡಿತಗೊಳಿಸಲಾಗಿದೆ. ಆದರೆ ಎಲ್ಲ ಟಿಕೆಟ್ಗಳ ಮೇಲೂ ಅಲ್ಲ. ಈ ಹಿಂದೆ 100 ರೂಪಾಯಿಗಳಿಗಿಂತಲೂ ಕಡಿಮೆ ದರದ ಟಿಕೆಟ್ಗೆ 12% ಜಿಎಸ್ಟಿ ಹೇರಲಾಗುತ್ತಿತ್ತು. 100 ರೂಪಾಯಿಗಿಂತಲೂ ಹೆಚ್ಚಿನ ಟಿಕೆಟ್ ದರಕ್ಕೆ 18% ಟಿಕೆಟ್ ದರ ಹೇರಲಾಗುತ್ತಿತ್ತು. ಎರಡೂ ಟಿಕೆಟ್ ದರಗಳ ಮೇಲಿನ ಜಿಎಸ್ಟಿಯನ್ನು ತಲಾ 7% ಇಳಿಕೆ ಮಾಡುವಂತೆ ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ಸೇರಿದಂತೆ ಚಿತ್ರಮಂದಿರ ಹಾಗೂ ನಿರ್ಮಾಪಕ, ವಿತರಕರ ಮನವಿ ಆಗಿತ್ತು.
ಇಂದಿನ ಸಭೆಯಲ್ಲಿ ಟಿಕೆಟ್ ದರದ ಮೇಲಿನ ಜಿಎಸ್ಟಿ ಇಳಿಕೆ ಮಾಡಲಾಗಿದೆ. ಆದರೆ 100 ರೂಪಾಯಿಗೂ ಕಡಿಮೆ ದರದ ಟಿಕೆಟ್ಗಳ ಮೇಲಿನ ಜಿಎಸ್ಟಿಯನ್ನು ಮಾತ್ರವೇ ಕಡಿತಗೊಳಿಸಲಾಗಿದೆ. ಈ ಹಿಂದೆ 12% ಇದ್ದ ಜಿಎಸ್ಟಿಯನ್ನು ಇಳಿಕೆ ಮಾಡಿ 5% ಮಾಡಲಾಗಿದೆ. ಆದರೆ 100 ರೂಪಾಯಿಗಳಿಗೂ ಹೆಚ್ಚು ದರ ಇರುವ ಟಿಕೆಟ್ಗಳ ಮೇಲೆ ಈ ಹಿಂದೆ ಇದ್ದ 18% ಜಿಎಸ್ಟಿಯನ್ನು ಹಾಗೆಯೇ ಮುಂದುವರೆಸಲಾಗಿದೆ.
