ಅಥಣಿ: ಸಹಕಾರ ಸಚಿವ ಲಕ್ಷ್ಮಣ ಸವದಿ ನೇತೃತ್ವ ಮತ್ತು ಮಾರ್ಗದರ್ಶನದಲ್ಲಿ ಅಥಣಿಯಲ್ಲಿ ಜನಪರ ಮತ್ತು ಅಭಿವೃದ್ಧಿ ಪರ ಯೋಜನೆಗಳನ್ನು ಅಧ್ಯಕ್ಷೆ ಶಿವಲೀಲಾ ಬುಟಾಳಿಯವರ ಸಹಕಾರದಿಂದ ಅನುಷ್ಠಾನಗೊಳಿಸುತ್ತಿದ್ದೇವೆ ಎಂದು ಸ್ಥಾಯಿ ಸಮಿತಿ ಅಧ್ಯಕ್ಷ ದತ್ತಾ ವಾಸ್ಟರ್ ಹೇಳಿದರು. ಅವರು ಪುರಸಭೆ ವ್ಯಾಪ್ತಿಯ ವಾರ್ಡ 9 ರಲ್ಲಿ ಅಭಿವೃದ್ಧಿ ಕಾಮಗಾರಿಗೆ ಭೂಮಿ ಪೂಜೆ ನೆರವೇರಿಸಿ ಮಾತನಾಡುತ್ತಿದ್ದರು.
ಅಥಣಿ ಅಭಿವೃದ್ಧಿಗಾಗಿ ವಿಶೇಷ ಅನುದಾನ ಮಂಜೂರು ಮಾಡಿಸುವ ಪ್ರಕ್ರಿಯೆಯನ್ನು ಈಗಾಗಲೇ ಸಹಕಾರ ಸಚಿವ ಲಕ್ಷ್ಮಣ ಸವದಿ ಸರಕಾರದ ಮಟ್ಟದಲ್ಲಿ ಮಾಡುತ್ತಿದ್ದು, ಕೆಲವೇ ತಿಂಗಳುಗಳಲ್ಲಿ ವಿಶೇಷ ಅನುದಾನ ಮಂಜೂರಾಗಲಿದೆ ಎಂದ ಅವರು ವಿಶೇಷ ಅನುದಾನದಲ್ಲಿ ರಸ್ತೆ ಸೇರಿದಂತೆ ಮೂಲ ಭೂತ ಸೌಲಭ್ಯಗಳನ್ನು ಅನುಷ್ಠಾನಗೊಳಿಸಲಾಗುವುದು ಎಂದರು.
ಇದೇ ಸಂದರ್ಭದಲ್ಲಿ ಸ್ಥಾಯಿ ಸಮಿತಿ ಅಧ್ಯಕ್ಷ ದತ್ತಾ ವಾಸ್ಟರ್ ಇವರ ಜನ್ಮ‌‌ದಿನದ ಅಂಗವಾಗಿ ಅಧ್ಯಕ್ಷರು, ಸರ್ವಸದಸ್ಯರು ಮತ್ತು ಮದ್ದಿನ ಮಡ್ಡಿ ಪ್ರಮುಖರು ಸತ್ಕರಿಸಿದರು.
ಈ ಸಂದರ್ಭದಲ್ಲಿ ಪುರಸಭೆ ಅಧ್ಯಕ್ಷೆ ಶಿವಲೀಲಾ ಬುಟಾಳಿ, ಉಪಾಧ್ಯಕ್ಷೆ ಭುವನೇಶ್ವರಿ ಯಕ್ಕಂಚಿ, ಮಾಜಿ ಪುರಸಭೆ ಅಧ್ಯಕ್ಷ ದಿಲೀಪ ಲೋಣಾರೆ, ಪುರಸಭೆ ಸದಸ್ಯರಾದ ಲತಾ ತಿಪ್ಪಣ್ಣ ಭಜಂತ್ರಿ, ಮಲ್ಲೇಶ ಹುದ್ದಾರ, ರಾಜೇಂದ್ರ ಗುಡೊಡಗಿ, ವಿಲೀನರಾಜ ಯಳಮಲ್ಲೆ, ಸಯ್ಯದ್ ಅಮೀನ್ ಗದ್ಯಾಳ, ರೀಯಾಜ್ ಸನದಿ, ಕಲ್ಲೇಶ ಮಡ್ಡಿ, ರಾಜು ಬುಲಬಲೆ, ಬಸವರಾಜ ಹಳ್ಳದಮಳ, ರಮೇಶ ಪವಾರ, ರವಿ ಬಡಕಂಬಿ ಧುರೀಣರಾದ ಬೀಮಾ ನನ್ನಾವರೆ, ಕಳ್ಳೋಳಪ್ಪ ನನ್ನಾವರೆ, ರಂಜೀತ ವಾಘಮೋಡೆ, ಶ್ರವಣ ವಾಸ್ಟರ್, ಲಾಲದಾಸ್ ವಾಘಮೋಡೆ, ಸಿದ್ದು ಬಿಸೆ, ಸುನೀಲ ಇಂಗಳೆ, ಬಾಸು ವಾಘಮೊಡೆ, ದೊಂಡಿಬಾ ಮಾನೆ, ಮಯೂರ ಸಿಂಗೆ, ವಿನೋದ ವಾಘಮೋಡೆ, ಅರವಿಂದ ವಾಘಮೋರೆ, ತೇಜಸ್ ವಾಘಮೋರೆ, ಪುಂಡಲೀಕ ನನ್ನಾವರೆ, ಗುತ್ತಿಗೆದಾರ ತಿಪ್ಪಣ್ಣ ಭಜಂತ್ರಿ, ಸಂತೋಷ ಅವರಸಂಗ, ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.
