ಕಲ್ಲೋಳಿ : ಪಟ್ಟಣದ ಪಂಡಿತ ಜವಾಹರಲಾಲ ನೆಹರು ಪ್ರೌಢಶಾಲೆಯ 1991-92ನೇ ಸಾಲಿನ ವಿದ್ಯಾರ್ಥಿ-ವಿದ್ಯಾರ್ಥಿನಿಯರ ಗುರುವಂದನೆ ಹಾಗೂ ಸ್ನೇಹ ಸಮ್ಮೀಲನ ಕಾರ್ಯಕ್ರಮವು ಬರುವ ಭಾನುವಾರ, ಅಕ್ಟೋಬರ್ 25ರಂದು ಬೆಳಿಗ್ಗೆ 9-30 ಕ್ಕೆ ಸ್ಥಳೀಯ ಬಸವೇಶ್ವರ ಸಹಕಾರಿ ಸಭಾಭವನದಲ್ಲಿ ಜರುಗಲಿದೆ.
ಚಿಕ್ಕೋಡಿ ಡಿಡಿಪಿಐ ಅಜೀತ ಮನ್ನಿಕೇರಿ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದು, ಶಿಕ್ಷಣಾಧಿಕಾರಿಗಳಾದ ರಾಜೇಂದ್ರ ತೇರದಾಳ ಹಾಗೂ ಪಿ.ಬಿ. ಹಿರೇಮಠ ಅವರು ಅತಿಥಿಗಳಾಗಿ ಆಗಮಿಸಲಿದ್ದಾರೆ. ಕಲ್ಲೋಳಿ ಪಟ್ಟಣ ಪಂಚಾಯಿತಿಯ ಸಿಇಒ ಚಿದಾನಂದ ಮುಗಳಕೋಡ ಅವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಲಿದ್ದಾರೆ.
ಶಿಕ್ಷಕರಾದ ಆರ್.ಎಂ. ಶಿಂಗಾಡಿ, ಸಿ.ಎಂ. ಕಟಗಿ, ಬಿ.ಎ. ಕಮತ,ಎಸ ಎಸ ಅಂಗಡಿ,ಪಿ ಆರ್ ಗರಗಟ್ಟಿ,ದಯಾನಂದ ಗಿರಡ್ಡಿ,ವ್ಹಿ ಜಿ ವಿರಕ್ತಿಮಠ ಸೇರಿದಂತೆ ಹಲವು ಗಣ್ಯರು ಹಾಗೂ ಸನ್ಮಾನಿತರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ ಎಂದು ಸಂಘಟಕರು ತಿಳಿಸಿದ್ದಾರೆ.
ಹಳೆಯ ವಿದ್ಯಾರ್ಥಿಗಳು ಒಂದೆಡೆ ಸೇರಿ ತಮಗೆ ವಿದ್ಯೆ ಕಲಿಸಿದ ಗುರುಗಳನ್ನು ಗೌರವಿಸುವುದರ ಜೊತೆಗೆ ಹಳೆಯ ನೆನಪುಗಳನ್ನು ಮೆಲುಕು ಹಾಕಿ ಸ್ನೇಹವನ್ನು ಪುನರ್‌ಸಂಪರ್ಕಿಸುವ ಉದ್ದೇಶದಿಂದ ಈ ಕಾರ್ಯಕ್ರಮ ಆಯೋಜಿಸಲಾಗಿದೆ.
