ಬಳ್ಳಾರಿ, ಏ.19..: ದೇಶದ 16ನೇ ಜನಗಣತಿಯು ಎರೆಡು ಹಂತದಲ್ಲಿ ನಡೆಯಲಿದ್ದು ಮೊದಲ ಹಂತದಲ್ಲಿ ನಿನ್ನೆಯಿಂದ ಜನಗಣತಿದಾರರು ಜಿಲ್ಲೆಯಲ್ಲಿ ಮನೆಗಣತಿ ಕಾರ್ಯ ಆರಂಭಿಸಿದ್ದು ಮೇ 15 ರ ವರೆಗೆ ಈ ಕಾರ್ಯ ನಡೆಯಲಿದೆ.
ಏಪ್ರಿಲ್ 1 ರಿಂದ 15ರವರೆಗೆ ಸ್ವಯಂ ಗಣತಿ ಕಾರ್ಯ ನಡೆಯಿತು ಇದರಲ್ಲಿ ಬಳ್ಳಾರಿ ಜಿಲ್ಲೆ ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದಿದೆ. ಆದರೂ ಇದು ಪೂರ್ಣ ಪ್ರಮಾಣದಲ್ಲಿ ಆಗಿಲ್ಲ.
ನಿನ್ನೆಯಿಂದ ಗಣತಿದಾರರು ಮನೆ ಪಟ್ಟಿ ಮತ್ತು ಮನೆ ಗಣತಿ ಕಾರ್ಯ ಆರಂಭಿಸಿದ್ದಾರೆ.
ಗೂಗಲ್ ಮ್ಯಾಪ್ ಬಳಸಿಕೊಂಡು ಮನೆ ಪಟ್ಟಿ ತಯಾರಿಸಿದೆ. ಗಣತಿದಾರರಿಗೆ ತರಬೇತಿ ನೀಡಿ. ಎಐ ಮತ್ತು ಡಿಜಿಟಲ್ ತಂತ್ರಜ್ಞಾನದ ಮೂಲಕ ಈ ಗಣತಿ ನಡೆಯುತ್ತಿದೆ. ಡಿಜಿಟಲ್ ಮೂಲಕ ನಡೆಯುವ ಮೊದಲ ಜನಗಣತಿ ಇದಾಗಿದೆ. ಗಣತಿದಾರರು ತಮ್ಮ ಸ್ಮಾರ್ಟ್ ಪೋನ್ ಗಳಲ್ಲಿ ಹೆಚ್.ಎಲ್.ಒ ಅಪ್ಲಿಕೇಷನ್ ಗಳ ಮೂಲಕ ಅಂಕಿ ಅಂಶ ಸಂಗ್ರಹ ಮಾಡುತ್ತಿದ್ದಾರೆ.
ಜಿಲ್ಲೆಯಲ್ಲಿ ಒಟ್ಟು ಮನೆ ಪಟ್ಟಿಯ 1871 ಬ್ಲಾಕ್ಗಳನ್ನು ಗುರುತಿಸಲಾಗಿದೆ. ಪ್ರತಿ ಬ್ಲಾಕ್ನಲ್ಲಿ ಸುಮಾರು 150 ರಿಂದ 200 ಮನೆಗಳನ್ನು ಒಬೊಬ್ಬ ಗಣತಿದಾರರು ಗಣತಿಕಾರ್ಯ ಮಾಡುತ್ತಿದ್ದಾರೆ. ಇದಕ್ಕಾಗಿ 2415 ಗಣತಿದಾರರು ನಿನ್ನೆಯಿಂದ ಈ ಕಾರಗಯ ಆರಂಭಮಾಡಿ ಮನೆಗಳಿಗೆ ಸಂಖ್ಯೆ ನೀಡುತ್ತಿದ್ದಾರೆ. ಜೊತೆಗೆ ಮನೆ ಯಜಮಾನನಿಂದ 32 ವಿವರ ಪಡೆಯುತ್ತಿದ್ದಾರೆ. 350 ಮೇಲ್ವಿಚಾರಕು, 14 ಜನ ತಾಂತ್ರಿಕ ಸಿಬ್ಬಂದಿ ಗಣತಿ ಕಾರ್ಯಕ್ಕೆ ಸಹಕಾರ ನೀಡುತ್ತಿದ್ದಾರೆ .
ದೇಶದಲ್ಲಿ 1872 ರಿಂದ ಜನಗಣತಿ ನಡೆದಿದೆ. 2021 ರಲ್ಲಿ ಜನಗಣತಿ ನಡೆಯಬೇಕಿತ್ತು. ಕೋವಿಡ್ ಕಾರಣ ಆಗಲಿಲ್ಲ ಅದು ಈಗ ನಡೆಯುತ್ತಿದೆ.