ಬಳ್ಳಾರಿ. ಆ. 03:: ಗರ್ಭಿಣಿಯರು ಮತ್ತು ಬಾಣಂತಿಯರು ಪೋಷಕಾಂಶಗಳಿರುವ ಆಹಾರ ಮತ್ತು ಪದಾರ್ಥಗಳನ್ನು ಸೇವಿಸಬೇಕು ಇದರಿಂದಾಗಿ ಹುಟ್ಟುವ ಮಗು ಆರೋಗ್ಯವಾಗಿ ಜನಿಸುತ್ತದೆ. ಗರ್ಭಿಣಿಯರ ಹಾಗೂ ಬಾಣಂತಿಯರ ಆರೋಗ್ಯ ಮತ್ತು ಪೌಷ್ಠಿಕತೆ ಗುಣಮಟ್ಟ ಹೆಚ್ಚಿಸಬೇಕು ಇದರಿಂದ ರಕ್ತಹೀನತೆ ಕಡಿಮೆಯಾಗುತ್ತದೆ ಇದರಿಂದಾಗಿ ಶಿಶು ಮರಣ ಬಾಣಂತಿಯ ಮರಣ ತಡೆಗಟ್ಟ ಬಹುದು ಎಂದು ಬಳ್ಳಾರಿ ನಗರದ ಮಹಿಳಾ ಮತ್ತು ಮಕ್ಕಳ ಇಲಾಖೆಯ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಮಾಧವ ನಂದ ತಿಳಿಸಿದರು.
ದೇವಿ ನಗರ ವಲಯದ 36 ನೇ ವಾರ್ಡಿನ ಕುರಿ ಹಟ್ಟಿ 1ನೇ ಅಂಗನವಾಡಿ ಕೇಂದ್ರದಲ್ಲಿ ಬುಧವಾರ ದಂದು ಹಮ್ಮಿಕೊಳ್ಳಲಾಗಿದ್ದ ಪೋಷಣೆ ಮಾಸಾಚರಣೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿ, ಅಂಗನವಾಡಿ ಕೇಂದ್ರಗಳ ಮೂಲಕ ನೀಡಲಾಗುವ ಪೌಷ್ಟಿಕ ಆಹಾರವು ನಿತ್ಯ ಸೇವಿಸುವುದರಿಂದ ಪ್ರೊಟೀನ್ ಗಳು, ವಿಟಮಿನ್ ಗಳು, ಖನಿಜಾಂಶಗಳು ಒಳಗೊಂಡ ಸಮತೋಲಿತ ಆಹಾರ ಸಿಗುತ್ತದೆ. ಆದಕಾರಣ ಇದರ ಪ್ರಯೋಜನವನ್ನು ಎಲ್ಲ ಅರ್ಹ ಫಲಾನುಭವಿಗಳು ಪಡೆದು ಕೊಂಡು ತಮ್ಮ ಆರೋಗ್ಯ ಹಾಗೂ ಹುಟ್ಟುವ ಮಗುವಿನ ಬೆಳವಣಿಗೆ ಬಗ್ಗೆ ಜಾಗೃತಿ ವಹಿಸ ಬೇಕೆಂದು ತಿಳಿಸಿದರು.
ಇದೆ ಸಂದರ್ಭದಲ್ಲಿ ಇಲಾಖೆಯ ಸಂರಕ್ಷಣ ಅಧಿಕಾರಿ ಶ್ರೀದೇವಿ, ವಲಯ ಮೇಲ್ವಿಚಾರಕಿ ಜೆ. ಸುಶೀಲಮ್ಮ, ಶಿವಕುಮಾರ ,ಎಲ್ಲ ವಲಯದ ಮೇಲ್ವಿಚಾರಕಿಯರು, ಆರೋಗ್ಯ ಇಲಾಖೆಯ LHV ಜಲಜಾಕ್ಷಿ, ಲೂದಿಯ ಹಾಗೂ ಜಿಲ್ಲಾ ಪೋಷಣ ಅಭಿಯಾನದ ಸಂಯೋಜಕ ಮುತ್ತುರಾಜ್, ತಾಲ್ಲೂಕು ಸಂಯೋಜಕಿ ಸುಲೋಚನ, ಶಾಲಾಪೂರ್ವ ಶಿಕ್ಷಣ ಸಂಯೋಜಕ ಜಗನ್ನಾಥ, ಯಲ್ಲಪ್ಪ, ನಬಿ, ದುರ್ಗೇಶ, ಮತ್ತು ಅಂಗನವಾಡಿ ಕಾರ್ಯಕರ್ತೆಯರಾದ ಮೀನಾ ಕುಮಾರಿ, ಅರ್ಕಾಣಿ, ಮಂಗಮ್ಮ, ಮತ್ತು ವಲಯದ ಎಲ್ಲಾ ಅಂಗನವಾಡಿ ಕಾರ್ಯಕರ್ತೆಯರು ಸಹಾಯಕಿಯರು ಭಾಗವಹಿಸಿದ್ದರು.
