ಕಾರ್ಖಾನೆಗಳು ಆರಂಭದಿಂದಲೂ ಕಬ್ಬಿನ ಬಿಲ್ಗಳನ್ನು ಸಕಾಲದಲ್ಲಿ ರೈತರ ಖಾತೆಗಳಿಗೆ ಜಮಾ ಮಾಡಲು ಯಶಸ್ವಿ ಪ್ರಯತ್ನಗಳನ್ನು ಮಾಡಿವೆ. ಆದರೆ ಫೆಬ್ರವರಿ ಅಂತ್ಯದ ವೇಳೆಗೆ ಕೊನೆಯ ಬಿಲ್ ಜಮಾ ಆಗುವ ಸಾಧ್ಯತೆ ಇತ್ತು ಅದು ಇನ್ನು ವರೆಗೂ ಆಗಿರುವುದಿಲ್ಲ. ಅದರಿಂದ ರೈತರು ಆರ್ಥಿಕ ಬಿಕ್ಕಟ್ಟಿನಲ್ಲಿದ್ದಾರೆ ಏಕೆಂದರೆ ಕಾರ್ಖಾನೆಗಳು ಕೊನೆಯ ಹಂತದಲ್ಲಿ ಸರಬರಾಜು ಮಾಡಿದ ಕಬ್ಬಿನ ಬಿಲ್ಗಳನ್ನು ರೈತರ ಖಾತೆಗಳಿಗೆ ಜಮಾ ಮಾಡಿಲ್ಲ. ಈ ವಾರ್ಷಿಕ ಒಂದೇ ಒಂದು ಆದಾಯದ ಮೂಲವನ್ನು ಹೊಂದಿದ ಬಹುತೇಕ ರೈತರು ಸಕಾಲದಲ್ಲಿ ಬ್ಯಾಂಕುಗಳ ಸಾಲ ಮರುಪಾವತಿಸಲು ವಿಫಲರಾಗುವ ಸಾಧ್ಯತೆ ಇರುವುದು. ಮತ್ತು ಬ್ಯಾಂಕುಗಳು ಯಾವುದೇ ಕನಿಕರ ಇಲ್ಲದೆ ಹೆಚ್ಚಿನ ಬಡ್ಡಿ ಮತ್ತು ದಂಡವನ್ನು ರೈತರಿಂದ ವಸೂಲಿ ಮಾಡುವಲ್ಲಿ ಹಿಂದೆ ಸರಿಯುವುದಿಲ್ಲ ಎಂಬುದು ವಿಪರ್ಯಾಸವಾಗಿದೆ. ಆದ ಕಾರಣ ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸಿ ಸಂಬಂದಿಸಿದ ಅಧಿಕಾರಿಗಳು ತಕ್ಷಣ ಆದೇಶ ಹೊರಡಿಸಿ ಒದಗಿರುವ ರೈತರ ಸಮಸ್ಯೆಗೆ ಸ್ಪಂದಿಸಬೇಕು ಎಂದು ಶೆಂಡಗೆ ಒತ್ತಾಯಿಸಿದ್ದಾರೆ.
