ಬೆಳಗಾವಿ: ಭಗವಂತ ಮತ್ತು ಭಕ್ತನ ಮಧ್ಯೆ ಮಧ್ಯವರ್ತಿ ಇಲ್ಲದಿದ್ದರಿಂದ ನೇರವಾಗಿ ಲಿಂಗ ಸಾಮರಸ್ಯ ಪಡೆದು ಜಂಗಮನಾಗಬಹುದು ಎಂದು ನಾಗನೂರ ರುದ್ರಾಕ್ಷಿ ಮಠದ ಡಾ. ಅಲ್ಲಮಪ್ರಭು ಮಹಾಸ್ವಾಮಿಗಳು ಅಭಿಪ್ರಾಯಪಟ್ಟರು.
ಜಾಗತಿಕ ಲಿಂಗಾಯತ ಮಾಹಾಸಭಾ ಜಿಲ್ಲಾ ಘಟಕ ಮಹಾಂತೇಶ ನಗರದ ಮಹಾಂತ ಭವನದಲ್ಲಿ ಹಮ್ಮಿಕೊಂಡ ಮಾಸಿಕ ಅನುಭಾವ ಗೋಷ್ಠಿಯ ಪಾವನ ಸಾನಿದ್ಯ ವಹಿಸಿ ಆಶೀರ್ವಚನ ನೀಡಿದ ಶ್ರೀಗಳು ಏಕದೇವೋಪಾಸನೆ ಮೂಲಕ ಭಗವಂತನ ಜೊತೆಗೆ ಅನುಸಂಧಾನಕೈಗೊಳ್ಳಬೇಕಿದೆ. ಅದಕ್ಕಾಗಿ ಇಷ್ಟಲಿಂಗ ಪೂಜೆಯನ್ನು ಅರಿತು, ಅಳವಡಿಸಿಕೊಳ್ಳಬೇಕಿದೆ ಎಂದು ತಿಳಿಸಿದರು.
ಗೋಷ್ಠಿಯಲ್ಲಿ" ಶರಣರ ಏಕದೇವೋಪಾಸನೆ "ವಿಷಯ ಕುರಿತು ಮಾತನಾಡಿದ ಎಸ್ ಜಿ ಬಾಳೇಕುಂದ್ರಿ ತಾಂತ್ರಿಕ ಮಹಾವಿದ್ಯಾಲಯದ ವಿದ್ಯಾರ್ಥಿನಿ ಶೀವಲೀಲಾ ಅರಳಿಕಟ್ಟಿ ಬಸವಣ್ಣನವರ ವಚನಗಳನ್ನು ಆಧರಿಸಿ ನಾವೆಲ್ಲರೂ ಏಕದೇವೋಪಾಸರಾಗಬೇಕು.ಎಂದು ಹೇಳಿದಳು.
ಅಧ್ಯಕ್ಷೀಯ ಮಾತುಗಳನ್ನಾಡಿದ ಮಹಾಸಭಾದ ಜಿಲ್ಲಾಧ್ಯಕ್ಷ ಬಸವರಾಜ ರೊಟ್ಟಿ ಅವರು, ಇತ್ತೀಚಿನ ದಿನಗಳಲ್ಲಿ ಪಟ್ಟಭದ್ರ ಹಿತಾಸಕ್ತಿಗಳ ಗುಂಪು ಬಸವಾದಿ ಶರಣರ ವಚನಗಳನ್ನು ಕೆಲವರು ಪ್ರಕ್ಷುಬ್ಧ ಗೊಳಿಸುತ್ತಿರುವುದು ಖೇದಕರ ಎಂದು ವಿಷಾದ ವ್ಯಕ್ತಪಡಿಸಿದರು.
ಮಹಾಸಭಾದ ಮುರುಗೇಶ ಶಿವಪೂಜಿ ದಂಪತಿ ಷಟ್ ಸ್ಥಲ ಧ್ವಜಾರೋಹಣ ಮಾಡಿದರು ಬಸಮ್ಮ ಮಠದ ಮತ್ತು ಸದಸ್ಯರು ಪ್ರಾರ್ಥನೆ ಸಲ್ಲಿಸಿದರು, ಬೆಳಗಾವಿ ತಾಲೂಕು ಘಟಕದ ಅದ್ಯಕ್ಷೆ ಅನೀತಾ ಚೆಟ್ಟರ ಸ್ವಾಗತಿಸಿ, ಪ್ರಾಸ್ತಾವಿಕವಾಗಿ ಮಾತನಾಡಿದರು. ಮಹಾನಂದಾ ಪರುಶೆಟ್ಟಿ ನಿರೂಪಿಸಿದರು, ದ್ರಾಕ್ಷಾಯಣಿ ಹೂಗಾರ ವಂದಿಸಿದರು.
ಕಾರ್ಯಕ್ರಮದಲ್ಲಿ ಮಹಾಸಭಾದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಅಶೋಕ ಮಳಗಲಿ, ಎಸ್.ಜಿ. ಸಿದ್ನಾಳ.ಬಸವರಾಜ ಕರಡಿಮಠ,ಎಮ್ ವಿ.ಕೋರಿಶೆಟ್ಟಿ,ಚಂದ್ರಪ್ಪ ಬೂದಿಹಾಳ, ಎಫ್ ಆರ್ ಪಾಟೀಲ, ಅರವಿಂದ ಪರುಶೆಟ್ಟಿ,ಮುರಿಗೆಪ್ಪ ಬಾಳಿ,ಡಾ. ಅಡಿವೆಪ್ಪ ಇಟಗಿ,ಯರಗಟ್ಟಿಯ ಅಶೋಕ ಹಾದಿಮನಿ,ಸುಧಾ ರೊಟ್ಟಿ, ಶೋಭಾ ಶಿವಳ್ಳಿ, ಅನ್ನಪೂರ್ಣ ಮಳಗಲಿ, ಸುಲೋಚನ ವಸ್ತ್ರದ,ಪ್ರೀತಿ ಮಠದ,ಕೆಂಪಣ್ಣ ರಾಮಾಪೂರಿ,ನೇತ್ರಾ ರಾಮಾಪೂರಿ, ಪ್ರವೀಣ ಚಿಕಲಿ,ಬಸವರಾಜ ಚಟ್ಟರ,ವಿವಿಧ ಬಡಾವಣೆಯ ಬಸವ ಅಭಿಮಾನಿಗಳು ಉಪಸ್ಥಿತರಿದ್ದರು.
