ಮೂಡಲಗಿ : ಪಟ್ಟಣದ ಬಸವೇಶ್ವರ ಅರ್ಬನ ಕೋ-ಆಪ್ ಕ್ರೆಡಿಟ್ ಸೊಸಾಯಿಟಿಯೂ ೨೦೨೫-೨೬ ನೇ ಆರ್ಥಿಕ ವ?ದ ಅಂತ್ಯಕ್ಕೆ ೫.೩೫ ಕೋಟಿ ರೂ ನಿವ್ವಳ ಲಾಭ ಗಳಿಸಿದೆ ಎಂದು ಸಂಘದ ಅಧ್ಯಕ್ಷರಾದ ಮಲ್ಲಿಕಾರ್ಜುನ ಢವಳೇಶ್ವರ ಹೇಳಿದರು.
ಗುರುವಾರದಂದು ಬಸವೇಶ್ವರ ಕೋ-ಆಪ್ ಕ್ರೆಡಿಟ್ ಸೊಸಾಯಿಟಿ ಮೂಡಲಗಿಯ ಪ್ರಧಾನ ಕಛೇರಿಯಲ್ಲಿ ಜರುಗಿದ, ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸಂಘವು ೬.೯೦ ಕೋಟಿ ರೂ ಶೇರು ಬಂಡವಾಳ, ೨೭೪.೩೬ ಕೋಟಿ ರೂ ಠೇವುಗಳು, ೨೭.೨೧ ಕೋಟಿ ರೂ ನಿಧಿಗಳನ್ನು ಹೊಂದಿ, ವಿವಿಧ ಬ್ಯಾಂಕುಗಳಲ್ಲಿ ಠೇವಣಿದಾರರ ಭದ್ರತೆಗಾಗಿ ೮೧.೩೪ ಕೋಟಿ ರೂ ಗುಂತಾವಣಿ ಮಾಡಿದೆ. ವಿವಿಧ ಕ್ಷೇತ್ರಕ್ಕೆ ೨೦೮.೩೪ ಕೋಟಿ ರೂ ಸಾಲ ವಿತರಿಸಿ, ೩೨೧.೬೭ ಕೋಟಿ ರೂ ದುಡಿಯುವ ಬಂಡವಾಳದೊಂದಿಗೆ, ೧೫೪೪ ಕೋಟಿ ರೂ ವಾರ್ಷಿಕ ವಹಿವಾಟು ಹೊಂದಿದೆ ಎಂದರು.
ಸೊಸಾಯಿಟಿಯ ನಿರ್ದೇಶಕರಾದ ಬಸವರಾಜ ತೇಲಿಯವರು ಮಾತನಾಡಿ, ಸೊಸಾಯಿಟಿಯು ೧೮ ಶಾಖೆಗಳನ್ನು ಹೊಂದಿದ್ದು, ಸಮಾಜದ ವಿವಿಧ ಕ್ಷೇತ್ರಗಳಲ್ಲೂ ಸೇವೆ ಸಲ್ಲಿಸುತ್ತಿರುವ ಮಹನೀಯರನ್ನು ಹಾಗೂ ಪ್ರತಿಭಾನ್ವಿತ ವಿದ್ಯಾರ್ಥಿಗಳನ್ನು ಗುರುತಿಸಿ ಸತ್ಕರಿಸುವ ಕಾರ್ಯವಾಗುತ್ತಿದೆ. ಸಂಘವು ಪ್ರಗತಿ ಪಥದತ್ತ ಸಾಗಲು ಸಹಕರಿಸಿದ ಆಡಳಿತ ಮಂಡಳಿ, ಶೇರುದಾರರು, ಠೇವುದಾರರು, ಸಾಲ ಮರುಪಾವತಿ ಮಾಡಿದ ಸದಸ್ಯರು ಸೇರಿದಂತೆ ನಿಸ್ವಾರ್ಥ ಸೇವೆ ಸಲ್ಲಿಸುತ್ತಿರುವ ಸಿಬ್ಬಂದಿ ವರ್ಗದವರಿಗೆ ಧನ್ಯವಾದಗಳನ್ನು ತಿಳಿಸಿದರು.
ಸಭೆಯಲ್ಲಿ ಸೊಸಾಯಿಟಿ ಉಪಾಧ್ಯಕ್ಷ ರವೀಂದ್ರ ಭಾಗೋಜಿ, ನಿರ್ದೆಶಕರಾದ ಗಿರೀಶ ಢವಳೇಶ್ವರ, ಚನ್ನಬಸು ಬಡ್ಡಿ, ಶ್ರೀಕಾಂತ ಹಿರೇಮಠ, ಶ್ರೀಶೈಲ ಮದಗಣ್ಣವರ, ದೇವಪ್ಪ ಕೌಜಲಗಿ, ಕುಸುಮಾ ಆ. ತೇಲಿ, ಸುಮಿತ್ರಾ ಪ್ರ. ಶೇಡಬಾಳ, ಮಹಾದೇವಿ ಶಂ. ಹಿರೇಮಠ, ಲಕ್ಷ್ಮಣ ತೇಳಗಡೆ, ರಾಘವೇಂದ್ರ ಕೆಸಪನಟ್ಟಿ, ಪ್ರಧಾನ ವ್ಯವಸ್ಥಾಪಕರಾದ ಬಸವರಾಜ ಬಡಿಗೇರ ಸೇರಿದಂತೆ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.
