ಬಳ್ಳಾರಿ, ಜೂನ್ 20, ಬಳ್ಳಾರಿಯ ಪ್ರತಿಷ್ಠಿತ ಬಳ್ಳಾರಿ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ & ಮ್ಯಾನೇಜ್ಮೆಂಟ್, (ಬಿಐಟಿಎಂ) ಆರ್ಟಿಫಿಸಿಯಲ್ ಇಂಟೆಲಿಜೆನ್ಸ್ & ಮೆಷಿನ್ ಲರ್ನಿಂಗ್ ವಿಭಾಗÀ ಹಾಗೂ ಕಂಪ್ಯೂಟರ್ ಸೈನ್ಸ್ ಮತ್ತು ಎಂಜಿನಿಯರಿAಗ್ ವಿಭಾಗ, ಮತ್ತು ಸಹ ವಿಭಾಗಗಳ ಸಹಯೋಗದಲ್ಲಿ “ಕ್ವಾಂಟಮ್ ಲೀಪ್: ಡ್ರೈವಿಂಗ್ ಇನೊವೇಶನ್ ಇನ್ ದಿ ಫ್ಯೂಚರ್ ಆಫ್ ಪ್ರೋಗ್ರಾಮಿಂಗ್ (ಹ್ಯಾಂಡ್ಸ್-ಆನ್)” ಎಂಬ ಶೀರ್ಷಿಕೆಯಡಿ ಐದು ದಿನಗಳ ರಾಷ್ಟ್ರೀಯ ಮಟ್ಟದ ಫ್ಯಾಕಲ್ಟಿ ಡೆವಲಪ್ಮೆಂಟ್ ಪ್ರೋಗ್ರಾಂನ್ನು ಜೂನ್ 23 ರಿಂದ 27, 2025 ರ ವರೆಗೆ ಆಯೋಜಿಸಲಾಗಿದೆ ಎಂದು ಕಾಲೇಜಿನ ಪ್ರಾಚಾರ್ಯರಾದ ಡಾ. ಯಡವಳ್ಳ್ಳಿ ಬಸವರಾಜ್ ಅವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಈ ಉನ್ನತ ಮಟ್ಟದ ತರಬೇತಿ ಕಾರ್ಯಾಗಾರವು ಅಧ್ಯಾಪಕರು, ಸಂಶೋಧಕರು ಮತ್ತು ಕೈಗಾರಿಕಾ ಪರಿಣಿತರಿಗಾಗಿ ರೂಪುಗೊಳ್ಳಿದ್ದು, ಕ್ವಾಂಟಮ್ ಕಂಪ್ಯೂಟಿAಗ್, ಕ್ವಾಂಟಮ್ ಆಲ್ಗಾರಿದಮ್ಗಳು ಮತ್ತು ಮೆಷಿನ್ ಲರ್ನಿಂಗ್ ಕ್ಷೇತ್ರಗಳಲ್ಲಿನ ಆಳವಾದ ಸಿದ್ಧಾಂತ ಜ್ಞಾನ ಹಾಗೂ ಪ್ರಾಯೋಗಿಕ ಅನುಭವವನ್ನು ಒದಗಿಸುವ ಉದ್ದೇಶ ಹೊಂದಿದೆ. ಐಬಿಎಂ ಕ್ಯೂಸ್ಕಿಟ್ ಮತ್ತು ಝಂಡೂಸ್ ಪೆನ್ನಿಲೇನ್ ಮೊದಲಾದ ಅತೀ ಆಧುನಿಕ ತಂತ್ರಜ್ಞಾನ ವೇದಿಕೆಗಳ ಬಳಕೆ ಮೂಲಕ ಭಾಗವಹಿಸುವವರು ಪ್ರಾಯೋಗಿಕ ತರಬೇತಿಯಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ.
ದೇಶದ ವಿವಿಧ ರಾಜ್ಯಗಳ ಪ್ರಖ್ಯಾತ ವಿದ್ಯಾಸಂಸ್ಥೆಗಳಿAದ 80ಕ್ಕೂ ಹೆಚ್ಚು ಪ್ರಾಧ್ಯಾಪಕರು / ಅಧ್ಯಾಪಕರು ಈ ಕಾರ್ಯಕ್ರಮಕ್ಕೆ ನೋಂದಾಯಿಸಿದ್ದು, ಇದು ನಿಜವಾದ ಅರ್ಥದಲ್ಲಿ ರಾಷ್ಟ್ರೀಯ ಮಟ್ಟದ ಕಾರ್ಯಕ್ರಮವಾಗಿ ರೂಪುಗೊಂಡಿದೆ. ಭಾರತ ಸರ್ಕಾರದ ಕ್ವಾಂಟಮ್ ತಂತ್ರಜ್ಞಾನ ಅಭಿವೃದ್ಧಿಯ ರಾಷ್ಟ್ರೀಯ ದೃಷ್ಟಿಕೋನಕ್ಕೆ ಅನುಗುಣವಾಗಿ, ಈ ಕಾರ್ಯಕ್ರಮವು ಅಕಾಡೆಮಿಕ್ ಹಾಗೂ ಕೈಗಾರಿಕಾ ಕ್ಷೇತ್ರಗಳ ನಡುವಿನ ತಾಂತ್ರಿಕ ನೈಪುಣ್ಯತೆಯ ಅಂತರವನ್ನು ದೂರಗೊಳಿಸುವ ಉದ್ದೇಶ ಹೊಂದಿದೆ.
ಕಾರ್ಯಕ್ರಮದ ಉದ್ಘಾಟನಾ ಸಮಾರಂಭವನ್ನು ಬಿಐಟಿಎಂ ನಿರ್ದೇಶಕರಾದ ವೈ.ಜೆ. ಪೃಥ್ವಿರಾಜ್ ಭೂಪಾಲ್ ನೆರವೇರಿಸಲಿದ್ದು, ಡಾ. ಆರ್.ಎನ್. ಕುಲಕರ್ಣಿ, ಡೀನ್, ಕಂಪ್ಯೂಟರ್ ಸೈನ್ಸ್, ಡಾ. ಬಿ.ಎಂ. ವಿದ್ಯಾವತಿ, ಕೋ-ಆರ್ಡಿನೇಟರ್ ಮತ್ತು ಎಐಎಂಎಲ್ ವಿಭಾಗದ ಮುಖ್ಯಸ್ಥರು, ಅವರು ಕಾರ್ಯಕ್ರಮವನ್ನು ನಿರ್ವಹಿಸಲಿದ್ದಾರೆ.
ಉದ್ಘಾಟನೆಯ ನಂತರ, ಛತ್ತೀಸ್ಗಢದ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎನ್.ಐ.ಟಿ.), ರಾಯಪುರ್ನ ಮಾಹಿತಿ ತಂತ್ರಜ್ಞಾನ ವಿಭಾಗದ ಸಹ ಪ್ರಾಧ್ಯಾಪಕರಾದ ಡಾ. ಕಪಿಲ್ ಕುಮಾರ್ ಸೋನಿ ಅವರಿಂದ ಉಪನ್ಯಾಸ ನಡೆಯಲಿದೆ.ಜೂನ್ 27, 2025 ರಂದು ಮುಕ್ತಾಯ ಸಮಾರಂಭ ನಡೆಯಲಿದೆ.
