ಆಧುನಿಕ ವಿವಾಹಗಳ ವಿಕಾಸ ಪ್ರತಿಬಿಂಬಿಸುವ ಗ್ರೋ, ಟುಗೆದರ್ ಅಭಿಯಾನ

ಹುಬ್ಬಳ್ಳಿ: ಭಾರತದ ಅತಿ ಹೆಚ್ಚು ಮಾರಾಟವಾಗುವ  ವಾಚ್ ಬ್ರಾಂಡ್ ಸೊನಾಟ ಇಂದಿನ ಆಧುನಿಕ ಭಾರತೀಯ ವಿವಾಹಗಳ ಬದಲಾಗುತ್ತಿರುವ ಸ್ವರೂಪ ಮತ್ತು ವಿಕಾಸವನ್ನು ಗೌರವಿಸುವ ನಿಟ್ಟಿನಲ್ಲಿ ತನ್ನ ನೂತನ ವಿವಾಹ ಅಭಿಯಾನ ಗ್ರೋ, ಟುಗೆದರ್ ಅನ್ನು ಅದ್ಧೂರಿಯಾಗಿ ಅನಾವರಣಗೊಳಿಸಿದೆ. ಇದರೊಂದಿಗೆ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಹೊಸ ವೆಡ್ಡಿಂಗ್ ವಾಚ್ ಸಂಗ್ರಹವನ್ನೂ ಬಿಡುಗಡೆ ಮಾಡಿದೆ.

ಸಂಬಂಧಗಳ ಈ ಹೊಸ ಹಾದಿಯನ್ನು ಸಂಭ್ರಮಿಸಲು ಮತ್ತು ಮದುವೆಯ ಉಡುಗೊರೆಗಳಲ್ಲಿ ಹೊಸತನ ತರಲು ಸೊನಾಟ ಈ ಮೂಲಕ ಮುಂದಾಗಿದೆ. ದಂಪತಿಗಳ ಜೀವನದ ಈ ಅಮೂಲ್ಯ ಪ್ರಯಾಣಕ್ಕೆ ಸೊನಾಟದ ಹೊಸ ಸಂಗ್ರಹವು ಸಾಕ್ಷಿಯಾಗಲಿದೆ.

ಸೊನಾಟಾ ವೆಡ್ಡಿಂಗ್ ನ ಯಶಸ್ವಿ ಡ್ರೀಮ್, ಟುಗೆದರ್ ಅಭಿಯಾನದ ಭಾವನಾತ್ಮಕ ಮೌಲ್ಯವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುವ ಉದ್ದೇಶದಿಂದ ಗ್ರೋ, ಟುಗೆದರ್ ಎಂಬ ಪರಿಕಲ್ಪನೆಯ ಅಭಿಯಾನವನ್ನು ಬಿಡುಗಡೆ ಮಾಡಲಾಗಿದೆ. ಈ ಅಭಿಯಾನದ ಕೇಂದ್ರಬಿಂದುವಾಗಿ ಖ್ಯಾತ ಛಾಯಾಗ್ರಾಹಕ ಜೋಸೆಫ್ ರಾಧಿಕ್ ಮತ್ತು ಪ್ರಸಿದ್ಧ ವೆಡ್ಡಿಂಗ್ ಡಿಸೈನರ್ ದೇವಿಕಾ ನಾರಾಯಣ್ ಅವರ ಜೀವನಗಾಥೆಯನ್ನು ಆರಿಸಿಕೊಳ್ಳಲಾಗಿದೆ. ತಮ್ಮದೇ ವಿಶಿಷ್ಟ ವೃತ್ತಿಜೀವನ ಮತ್ತು ವೈಯಕ್ತಿಕ ಗುರುತನ್ನು ಹೊಂದಿರುವ ಇವರಿಬ್ಬರು, ಸಂಗಾತಿಗಳಾಗಿ ಹೇಗೆ ಯಶಸ್ಸಿನತ್ತ ಸಾಗುತ್ತಿದ್ದಾರೆ ಎಂಬುದನ್ನು ಈ ಅಭಿಯಾನವು ಡಿಜಿಟಲ್ ಸರಣಿಯ ಮೂಲಕ ಚಿತ್ರಿಸಿದೆ.

ಈ ಕುರಿತು ಸೊನಾಟದ ಬ್ರಾಂಡ್ ಹೆಡ್ ಪುಲಕ್ ನಾರಾಯಣ್ ಅವರು ಮಾತನಾಡಿ, "ಭಾರತದ ವಿವಾಹ ಮಾರುಕಟ್ಟೆಯು ಅತ್ಯಂತ ಕ್ರಿಯಾತ್ಮಕವಾಗಿದ್ದು, ಆಧುನಿಕ ದಂಪತಿಗಳ ಆಕಾಂಕ್ಷೆಗಳಿಗೆ ಅನುಗುಣವಾಗಿ ನಿರಂತರವಾಗಿ ಬದಲಾಗುತ್ತಿದೆ. ಗ್ರೋ, ಟುಗೆದರ್ ಅಭಿಯಾನದ ಮೂಲಕ ನಾವು ಮದುವೆಯನ್ನು ನಿರಂತರ ಅಭಿವೃದ್ಧಿಯ ಪ್ರಯಾಣವೆಂದು ಪರಿಗಣಿಸುವ ಹೊಸ ಪೀಳಿಗೆಯೊಂದಿಗೆ ಸಂವಹನ ನಡೆಸಲು ಬಯಸುತ್ತೇವೆ. ಇಲ್ಲಿ ಸಂಗಾತಿಗಳು ಪರಸ್ಪರರ ವೈಯಕ್ತಿಕ ಮತ್ತು ಪರಸ್ಪರ ಕನಸುಗಳನ್ನು ನನಸು ಮಾಡಲು ಪರಸ್ಪರ ಶಕ್ತಿ ತುಂಬುತ್ತಾರೆ. ಹೊಸತಾಗಿ ಬಿಡುಗಡೆಯಾಗಿರುವ ನಮ್ಮ ವೆಡ್ಡಿಂಗ್ ಕಲೆಕ್ಷನ್ ಈ ಆಶಯವನ್ನು ಸುಂದರವಾಗಿ ಪ್ರತಿಬಿಂಬಿಸುತ್ತದೆ. ಈ ವಾಚ್‌ ಗಳು ಕೇವಲ ಸಮಯವನ್ನು ತೋರಿಸುವ ಸಾಧನಗಳಲ್ಲ, ಬದಲಾಗಿ ಬೆಳವಣಿಗೆ ಮತ್ತು ಒಗ್ಗಟ್ಟಿನ ಮೇಲೆ ನಿರ್ಮಿಸಲಾದ ಪ್ರಯಾಣದ ಅಮೂಲ್ಯ ಸಂಕೇತಗಳಾಗಿವೆ" ಎಂದು ತಿಳಿಸಿದರು.

ಪುರುಷರ ಸಂಗ್ರಹವು ಹಸಿರು ಮತ್ತು ನೀಲಿ ಡಯಲ್‌ ಗಳನ್ನು ಹೊಂದಿದ್ದು, ಗೋಲ್ಡ್ ಫಿನಿಶ್ ಹಾಗೂ ತೀಕ್ಷ್ಣವಾದ ಮೆಟಾಲಿಕ್ ವಿನ್ಯಾಸಗಳೊಂದಿಗೆ ಗಂಭೀರ ಹಾಗೂ ಸೊಗಸಾದ ಲುಕ್ ನೀಡುತ್ತದೆ.

ಮಹಿಳೆಯರ ವಾಚ್‌ ಗಳು ಬಿಳಿ ಮತ್ತು ಶಾಂಪೇನ್ ಡಯಲ್‌ ಗಳನ್ನು ಹೊಂದಿವೆ. ತೆಳುವಾದ ಬ್ರೇಸ್‌ ಲೆಟ್‌ ಗಳು ಮತ್ತು ಆಭರಣಗಳಿಂದ ಪ್ರೇರಿತವಾದ ಈ  ಸಂಗ್ರಹವು,  ಹೊಸ ಜೋಡಿಗಳಿಗೆ ಮತ್ತು ಉಡುಗೊರೆ ನೀಡಲು ಬಯಸುವವರಿಗೆ ಅತ್ಯುತ್ತಮ ಆಯ್ಕೆಯಾಗಲಿದೆ.

ಈ ವಾಚ್‌ಗಳ ಬೆಲೆಯು 1,495 ರೂ. ನಿಂದ 4,495 ರೂ. ಗಳವರೆಗೆ ಇದೆ.

ಸೊನಾಟ ವೆಡ್ಡಿಂಗ್ ಕಲೆಕ್ಷನ್‌ ನ ಈ ಆಕರ್ಷಕ ವಾಚ್‌ ಗಳು ಭಾರತದಾದ್ಯಂತ ಇರುವ ಸೊನಾಟ ಸ್ಟೋರ್‌ ಗಳು, ಟೈಟಾನ್ ವರ್ಲ್ಡ್ ಮಳಿಗೆಗಳು ಹಾಗೂ ಪ್ರಮುಖ ರೀಟೇಲ್ ಮಳಿಗೆಗಳಲ್ಲಿ ಲಭ್ಯವಿವೆ. Sonata Watches ಅಧಿಕೃತ ಆನ್‌ ಲೈನ್ ವೆಬ್‌ ಸೈಟ್ ಮೂಲಕವೂ ಇವುಗಳನ್ನು ಖರೀದಿಸಬಹುದಾಗಿದೆ.