ಸಿರುಗುಪ್ಪ:26: ತಾಲ್ಲೂಕಿನ ಗಡ್ಡೆವೀರುಪಾಪುರ ಗ್ರಾಮದ ರಸ್ತೆಯಲ್ಲಿ ಅಕ್ರಮವಾಗಿ ಲಾರಿ ಹಾಗೂ ಇತರೆ ವಾಹನಗಳಲ್ಲಿ ಸಾಗಿಸುತ್ತಿದ್ದ ಪಡಿತರ ಅಕ್ಕಿಯನ್ನು ಆಹಾರ ನಿರೀಕ್ಷಕರು ಪತ್ತೆಹಚ್ಚಿ, ₹11,20,477.50 ಲಕ್ಷ ಮೌಲ್ಯದ 334.47 ಕ್ವಿಂಟಾಲ್ ಪಡಿತರ ಅಕ್ಕಿಯನ್ನು ವಶಪಡಿಸಿಕೊಳ್ಳಲಾಗಿದೆ.
ಭಾನುವಾರ ರಂದು ಬೆಳಿಗ್ಗೆ 09:30 ಗಂಟೆಗೆ ಸಿರುಗುಪ್ಪ-ಸಿಂಧನೂರು ರಸ್ತೆಯಲ್ಲಿ ಗಡ್ಡೆವೀರುಪಾಪುರ ಗ್ರಾಮದ ಕಡೆಗೆ ಹೋಗುವ ಅಶೋಕ್ ಲೈಲ್ಯಾಂಡ್ ಲಾರಿಯಲ್ಲಿ ವಿವಿಧ ಕಡೆಗಳಿಂದ ಸಂಗ್ರಹಿಸಿದ ಪಡಿತರ ಅಕ್ಕಿ ಚೀಲಗಳನ್ನು ಲೋಡ್ ಮಾಡಿಕೊಳ್ಳುವಾಗ ವಶಪಡಿಸಿಕೊಳ್ಳಲಾಯಿತು.
ಈ ಕೃತ್ಯದಲ್ಲಿ ದೇವಲಾಪುರದ ಗೋಪಾಲ, ತೆಕ್ಕಲಕೋಟೆಯ ಮಹಮ್ಮದ್ ಅಲಿ, ಸಿರುಗುಪ್ಪದ ಜರ್ನಾದನ @ ಜಲಾಲಿ, ಸಿಂಧನೂರಿನ ಇಮಾಮ್ ಹಾಗೂ ಇತರೆ ಆರೋಪಿಗಳು ಲಾರಿ, ಮಹೀಂದ್ರ ಬೊಲೆರೊ ಲಗೇಜ್ ವಾಹನಗಳು ಮತ್ತು ಟಾಟಾ ವಾಹನದ ಮೂಲಕ ಒಟ್ಟು 334.47 ಕ್ವಿಂಟಾಲ್ ಅಕ್ಕಿಯನ್ನು ಮಲ್ಲನಗೌಡ ಎಂಬುವವರ ಮಾಲೀಕತ್ವಕ್ಕೆ ಸಾಗಿಸಲು ಯತ್ನಿಸುತ್ತಿದ್ದರು ಎಂದು ಆಹಾರ ನಿರೀಕ್ಷಕರು ದೂರಿನಲ್ಲಿ ತಿಳಿಸಲಾಗಿದೆ ಎಂದು ಪೋಲಿಸ್ ಅಧಿಕಾರಿಗಳು ತಿಳಿಸಿದ್ದಾರ
